Presidenti i SHBA-së Donald Trump ka deklaruar se Hamas “do të çarmatoset, sepse ata thanë se do të çarmatoseshin”, raporton BBC.
“Dhe nëse ata nuk çarmatosen, ne do t’i çarmatosim,” tha ai.
I pyetur nga një reporter se si do të ndodhte kjo, presidenti tha: “Nuk kam pse t’jua shpjegoj këtë. Por nëse ata nuk çarmatosen, ne do t’i çarmatosemi ne.”
“Ata e dinë që unë nuk po bëjë lojëra,” shtoi Trump.
Pasi e ripërsëriti pohimin, presidenti tha: “Do të ndodhë shpejt dhe ndoshta me dhunë. Por ata do të çarmatosen, a më kuptoni?”
Për kontekst: Pjesë e planit të tij të paqes me 20 pika për Gazan: “E gjithë infrastruktura ushtarake, terroriste dhe sulmuese, përfshirë tunelat dhe objektet e prodhimit të armëve, do të shkatërrohet dhe nuk do të rindërtohet. Do të ketë një proces demilitarizimi të Gazës nën mbikëqyrjen e monitorëve të pavarur, që do të përfshijë bërjen e armëve të papërdorshme në mënyrë të përhershme përmes një procesi të dakorduar të dekomisionimit.”
