Kryetari i Partisë Demokratike të Kosovës, Memli Krasniqi, ka zhvillua një konferencë për media ku ka folur për procesin zgjedhor të së dielës.
Ai është pyetur edhe për humbjen e PDK-së në Drenas, ku fitues doli Ramiz Lladrovci.
Këtij të fundit ai ia uroi fitoren, porse humbja atje, tha se u ka lënë ‘’shije të hidhur’’.
‘‘Asnjëra parti politike në këtë proces, e as ne si PDK nuk i arritëm objektivat e plota në këtë garë zgjedhor, natyrisht na la një shije të hidhur humbja në Drenas. Kryetarit të zgjedhur ia uroj fitoren, dhe shpresoj që do të punojë në të mirën e qytetarëve të komunës. Me vjen keq që edhe në këtë garë lokale, qytetarët e Drenasit u vendosen në një pozitë të vështirë’’, ka thënë ai mes tjerash.
”Me sa e kam kuptu zoti Lladrvoci do të kthehet në zyrat ku ka qenë më herët. Por zyrat e PDK janë aty ku është kryesia legjitime e saj. Mendoj që gara atje ka përfundu, fokusi jonë është në balotazh.”, ka thënë ai.
