Të mërkurën, në Deçan ka përfunduar numërimi i votave për kandidatët për Kuvendin Komunal, verifikimi i rezultateve për kryetar komune dhe verifikimi i rezultateve të partive politike për Kuvendin Komunal.
Nga ky proces është konfirmuar fitorja pa balotazh e kandidatit të Aleancës për Ardhmërinë e Kosovës, Bashkim Ramosajt me 51.72%.
Në garën e partive për Kuvendin Komunal më së shumti ulëse siguroi AAK-ja me 51.47% të votave, që pasohet nga Lidhja Demokratike e Kosovës me 26.24% të votave. E treta renditet Iniciativa Demokracia që mori 11.29%. Lëvizja Vetëvendosje mori 4.97% të votave e Partia Socialdemokrate mori 3.87% të votave për asamble duke lënë pas vetes, Partinë Demokratike të Kosovës që mori vetëm 1.21%.
Në garën e kandidatëve prin Hajdar Sutaj i AAK-së me 7,361 vota, pasohet nga Hyri Dobrunaj e LDK-së me 3,753 vota ndërsa i treti renditet Shkumbin Demaliaj i Iniciativës Demokracia me 1,615 vota.
Asnjë votë nuk e mori Aulona Alidemaj e Partisë Demokratike të Kosovës. Kastriot Gjoci e Leotrim Mazrekaj të PDK-së morën nga një votë. Dy vota mori Adea Krasniqi po ashtu e PDK-së, ndërkohë katër vota i mori Shkodran Bozhdaraj i LVV-së.
