Kryetari i Drenasit, i cili në zgjedhjet lokale të 12 tetori kandidoi nën iniciativën “Për Drenasin Kampion” dhe doli triumfues qysh në rundin e parë, ka mbajtur një konferencë për media pasditen e sotme.
Lladrovci, nga zyra ku ishte selia e Degës së PDK-së në Drenas, tha se do t’i ndihmojë kandidatët e kësaj partie që janë në balotazh nëpër komuna të ndryshme të vendit.
Specifikisht, ai përmendi Arian Tahirin e Mitrovicës dhe Sokol Bashotën e Klinës.
“Kam shumë miq të cilët kanë mbetur në balotazh. Ndihma ime do të jetë e pakursyer në Mitrovicë sepse Ariani e meriton pushtetin, por është edhe vendlindja e kryetarit tim Kadri Veseli, por do të provoj t’i ndihmoj edhe mikut tim të orëve të para të UÇK-së, dhe të organizimeve të hershme, zotëri Sokol Bashota”, deklaroi Lladrovci.
