Real Madridi e ka mbyllur me epërsi pjesën e parë ndaj Barcelonës.
“Los Blancos” kanë qenë më të mirë në 45 minuta lojë, për ta mbyllur me epërsi 2-1.
Vendasit e nisën fuqishëm duke kaluar në epërsi pas vetëm 12 minutave lojë falë Kylian Mbappe, që shënoi një super vollej nga distanca, por u anulua për pozitë jashtë loje.
Megjithatë, madrilenët vazhduan me të njëjtin ritëm. Jude Bellingham dhuroi një asistim maestral te Mbappe, i cili nuk dështoi përballë Szczesnyn për ta zhbllokuar rezultatin (22’).
Barcelona u këndell përmes Fermin Lopez, që shënoi nga afërsia pas asistimit të Marcus Rashford në një kundërzbritje (38’).
Megjithatë, vetëm pesë minuta më vonë, Eder Militao dhuroi një asistim mahnitës te Jude Bellingham, i cili e kishte të lehtë ta dërgonte topin në portën e zbrazur (43’).
Real Madridi shënoi sërish përmes Vini Jr mirëpo që goli u anulua për pozitë jashtë loje.
Kësisoj, mbetet të shihet nëse Reali do ta mbajë këtë epërsi në këtë përballje mjaftë dramatike që po zhvillohet në “Santiago Bernabeu”./Telegrafi/
