Real Madridi e ka fituar me rezultat 2-1 përballjen e madhe ndaj Barcelonës.
Kylian Mbappe e hapi serinë e golave në këtë ballafaqim, duke i kaluar vendasit në epërsi në minutën e 22-të.
“Blaugrana” u rikthye në lojë me anë të Firmin Lopez, i cili realizoi në të 38-ën.
Por “Mbretërit” rikthyen shumë shpejt avantazhin, kur Jude Belingham shënoi golin e dytë për skuadrën e tij, e që rezultoi edhe përfundimtar në këtë takim.
Në pjesën e dytë nuk u tundën rrjetat, teksa më meritori për këtë ishte portieri i mysafirëve.
Wojciech Szczesny e priti penaltinë e goditur nga Mabappe, teksa një 11 metërsh iu ishte anuluar Realit në pjesën e parë, si shkak i një pozicioni jashtë loje.
Për të njëjtën arsye, “Merengezëve” iu anulua edhe goli i parë të cilin po ashtu e shënoi sulmuesi francez, njofton Klankosova.tv.
Pas këtij triumfi, madrilenët shkëputen 5 pikë mbi kundërshtarin e sotëm, duke e udhëhequr kampionatin elitar të Spanjës me 27 pikë.
