Shkruan: Albanez Tahiraj
Në prag të balotazhit, po shihet një përpjekje e ulët për të manipuluar qytetarët me fotografi dhe narrativa të shtrembëruara rreth një pllake përkujtimore në Prelluzhë. Disa individë po përpiqen t’ia mveshin këtë temë Kryetarit Ferit Idrizi, sikur të ishte vepër e tij politike.
Fushata e disa individëve kundër Kryetarit Ferit Idrizi ka kaluar çdo kufi të dinjitetit politik. Kur nuk ke as vlera, as vizion, nuk të mbetet tjetër, veçse të shpifësh, por shpifjet nuk mund ta mbulojnë të vërtetën.
Pllaka përkujtimore në Prelluzhë, me të cilën po manipulojnë për përfitime të ndyta politike, është vendosur në vitin 2018, shumë kohë përpara se Ferit Idrizi të bëhej Kryetar i Komunës. Prandaj, çdo përpjekje për ta lidhur atë me këtë akt është e qëllimshme, e ulët dhe thellësisht mashtruese.
Ferit Idrizi me vëllezër dhe familjar tjerë të tij kanë qenë pjesë e UÇK-së, disa prej tyre të rënë për lirinë e këtij vendi. Ai nuk ka pse t’i japë llogari askujt për dashurinë ndaj atdheut. Ata që sot e përgojojnë, një pjesë e tyre, në kohën e luftës kanë qenë të fshehur pas perdeve, ndërsa të tjerët derdhën gjak që këta sot të kenë guximin të flasin.
Ky sulm i ndyrë nuk është politikë, por është panik kundër një kryetari që punon. Mirëpo, qytetarët e Vushtrrisë e dinë mirë kush është Ferit Idrizi, çfarë përfaqëson dhe çfarë ka bërë. Prandaj, edhe këtë fushatë të turpit, qyetarët do ta ndëshkojnë me përbuzje, duke i konfirmuar mbështetje plebishitare ndaj tij.
P.S. Sakrifica e ushtarëve të UÇK-së, ku bën pjesë edhe Ferit Idrizi, nuk duhet lartësuar, vetëm në rastet kur ushtarët e UÇK-së kanë rënë Dëshmorë, sepse ushtarët e UÇK–së nuk janë të mirë, veç kur janë të vdekur.
(Autori është Drejtor i Drejtorisë së Arsimit në Komunën e Vushtrrisë)
