Kompania e njohur “Urban Grup” nuk ka të ndalur, duke shënuar sukses pas suksesi, me pronar Agim Malokun.
Kjo kompani së shpejti fillon projekte madhështore të ndërtimit të lartë në Prishtinë, saktësisht në lagjen Emshir, raporton Gazeta Online Veriu.info.
Kështu ka bërë të ditur pronari i kompanisë, Agim Maloku, i cili ka njoftuar se janë pajisur me leje ndërtimore dhe se do të nisin ndërtimet e para në Prishtinë me një cilësi të lartë.
Lokacioni i parë do të jetë në Emshir, ku do të ofrohen banesa dhe lokale me një cilësi të jashtëzakonshme dhe me arkitekturë moderne.
Njoftimi i plotë i Malokut:
Elhamdulilah.
“Fa inna ma‘al usri yusra – Me të vërtetë, pas vështirësisë vjen lehtësimi.”
(Kur’an, 94:6)
Asgjë s’ka qenë e lehtë. As rruga, as pritjet, as procedurat. Sidomos jo marrja e lejes së ndërtimit në Prishtinë. Por që nga dita e parë te UrbanGrup, një gjë ka qenë e palëkundur: nuk jemi dorëzuar kurrë. Vështirësitë kanë qenë të shumta, por suksesi nuk ka munguar – sepse kurrë s’e kemi ndalur punën.
Ky sukses i takon ekipit tonë që punon me përkushtim çdo ditë, dhe mbi të gjitha, familjes që ka qenë mbështetja jonë më e fortë.
Sot e hapim një kapitull të ri. Po nisemi me ndërtimet tona të para edhe në Prishtinë – me standarde të larta, siç jemi mësuar t’i bëjmë.
Banesa dhe lokale cilësore, në një lokacion të jashtëzakonshëm: Lagjja Emshir.
Jemi gati.
Ju mirëpresim.
