Qytetarët e Kosovës do t’iu drejtohen kutive të votimit me 28 dhjetor në zgjedhjet e jashtëzakonshme parlamentare.Data 28 dhjetor u vendos nga Osmani dhe ishte propozimin i LVV-së në takimin me Presidenten.
Në këtë datë pritet të jetë prezentë edhe diaspora në Kosovë e cila do të votojë.Por sa pritet të ndikojë vota e disporës në rezultatin e këtyre zgjedhjeve?
Ish-ambasadori i Kosovës në RMV, Gjergj Dedaj, tha për “Gazeta Blic” se diaspora tashmë e kanë kuptuar propagandën boshe të Albin Kurtit.Dedaj tha se të njëjtit i besuan premtimeve dhe fjalëve të Kurtit në vitin 2021 duke menduar se po thotë të verteten.
“Diaspora tashmë e kanë kuptuar gënjeshtren e regjimit në ikje dhe propaganden boshe të Albin Kurtit.Ata i besuan verbërisht premtimeve dhe fjalëve të Kurtit në vitin 2021, duke menduar se po e thotë të verteten, në fakt e tëra ishte një lojë fjalësh të mdha, të thëna dhe të paketuara me ambalazh letre kolor pa fije turpi vetem për vota. Madje Albin Kurti i quajti edhe “analfabet funksional” duke qenë i bindur se sa lehtësisht i manipuloj dhe gënjeu.Pushteti kleptokrat dhe ekstrem populist propaganden e ka të përsosur dhe bindëse” deklaroi Dedaj.
Ai tutje vazhdoi me kritika duke e cilësuar qeverisjen e Kurtit ‘regjim’ që sipas tij ka degraduar shtetin dhe po mbahet me intriga.
“Hazarderi Albin ia humbi Kosovës nje vit jete, ia dëmtoj imazhin dhe partneritetin, e vuri nën sanksione Europiane dhe Amerikane,ia humbi qindra miliona euro, provokoj me 60 seanca për të zgjedhir kryetarin e Kuvendit, duke gënjyer se ia votat për Qeveri dhe doli se nuk i ka si dhe ua vrau shpresen dhe demokracinë.I shtyri zgjedhjet me 28 dhjetor,me ndihmen e asistentes Osmani,duke caktuar zgjedhje për Krishtlindje dhe Vitin e Ri, ashtu siç i ka edhe Guineja Afrikane me 28 dhjetor 2025, vetem e vetem për të manipuluar diasporen dhe keqëpërdorur zgjedhjet në mungesë të vëzhguesve dhe monitoruesve ndërkombëtar.Ky regjim e ka degraduar shtetin dhe po mbahet me intriga, propagandë dhe gënjeshtra elektorale” tha ai.
Dedaj tha se me 28 dhjetor LVV-ja do të pësojë debakël zgjedhor meqenëse qytetarët e Kosovës dhe diaspora e kanë kuptuar propagandën Kurti-Osmani.
“Kësaj radhe LVV do të pësoj debakël zgjedhor meqenëse qytetarët e Kosovës dhe diaspora e vyeshme, meritore dhe shtetndërtuese me vonesë por më në fund e kan kuptuar propaganden staliniste dhe bolshevike të duetit Kurti-Osmani” tha Dedaj në përgjigjen e dhënë.
