Gjykata Kushtetuese e Kosovës ka konfirmuar zyrtarisht se tashmë ka pranuar kërkesën për vlerësimin e kushtetutshmërisë së procedurës për zgjedhjen e Presidentit të Republikës.
Në një përgjigje për Insajderin, ky institucion bëri të ditur se kërkesa, e cila përfshin edhe kërkesën për vendosjen e masës së përkohshme, është parashtruar në rrugë elektronike më 5 mars 2026.
“Vendimi do të merret pasi të shqyrtohen të gjitha aspektet kushtetuese të pretendimeve të bëra në kërkesë nga pala parashtruese, në përputhje me Kushtetutën, Ligjin për Gjykatën Kushtetuese dhe Rregulloren e punës së Gjykatës”, thuhet në përgjigjen e dhënë për Insajderin.
