Edhe pak ditë na ndajnë nga përfundimi i afatit për zgjedhjen e Presidentit të ri.
Megjithëse afatet kohore po shkojnë drejt fundit ende nuk ka zhvillime konkrete në këtë drejtim.
Kryeminstri Kurti ka mbajtur takime me kryetarin e LDK-së, Lumir Abdixhiku, për këtë çështje, takime të cilat kanë përfunduar pa rezultat.
Në këto takime Kurti ka patur edhe një ofertë për LDK-në, duke i ofruar këtij subjekti politik postin e zëvendëskryeministrit, Ministrinë e Punëve të Jashtme dhe Diasporës dhe tri ministri të tjera në këmbim të bashkëpunimit për çështjen e Presidentit, oferta të cilat u refuzuan nga LDK-ja.
Kurti gjithashtu pati edhe një ofertë për Partinë Demokratike të Kosovës duke iu ofruar postin e Kryetarit të Kuvendit, ofertë e cila gjithashtu u refuzua.
Në lidhje me oferta e fundit të Kurtit ka folur për “Gazeta Blic”, deputeti i Partisë Demokratike të Kosovës, Xhavit Haliti.
Haliti tha se ‘politika nuk është punësim siç e konsiderojnë disa’.
Ai potencoi se PDK-ja s’ka kërkuar punësimin e dikujt e privilegjet që ka personi që zgjidhet President.
“Politika s’është punësim, siç e konsiderojnë disa. PDK s’ka kërkuar punësimin e dikujt e privilegjet që ka personi që zgjidhet President” deklaroi Haliti.
Haliti tha se Presidenti duhet të jetë i Kosovës dhe jo i një partie, bashkëpunues dhe me integritet.
“Ne po kërkojmë të zgjedhim një President të Kosovës e jo të një partie, një President bashkëpunues me të gjitha institucionet por me integritet Kushtetues, një noter të pa kontestueshëm për dekretet që nënshkruan, një gardian që respekton Kushtetuten” deklaroi Haliti
