Një ngjarje e rëndë ka ndodhur gjatë një ahengu në një restorant në Mitrovicë, ku disa zyrtarë policorë, jashtë detyrës zyrtare, dyshohet se kanë sulmuar fizikisht pronarin e një restoranti dhe djalin e tij.
Burime të Veriu.info bëjnë të ditur se sulmi ka ndodhur më 24 qershor rreth orës 00:20 në restorantin VaPiano që gjendet në rrugën “Agim Ramadani” në Mitrovicë.
Siç mëson Veriu.info, ahengu familjar i organizuar në këtë restorant, ku ishin pjesëmarrës të paktën 14 zyrtarë policor që punojnë në veri, është kthyer në konflikt pasi që disa pjesëtarë të Policisë së Kosovës të përkatësisë etnike boshnjake kanë kërkuar të lëshohen këngë serbisht.
“Kur pronari i restorantit nuk ka pranuar lëshimin e këngëve serbisht, atëherë një polic e ka share e fyer, duke tentuar ta sulmojë fizikisht. Pasi që ky aheng përfundoj, gjatë daljes nga restoranti, djali i pronarit është sulmuar fizikisht nga disa policë, të cilën pastaj e kanë sulmuar edhe pronarin. Në sulm kanë marrë pjesë 9 policë, përderisa vetëm njëri (E.T.) prej policëve pjesëmarrës në aheng, la tentuar ta ndalë sulmin”, ka thënë një burim i Veriu.info nga vendi i ngjarjes.
Sipas pasojë e lëndimeve të marra nga këta policë, që ishin boshnjakë e shqiptarë që punojnë në veri, trajtim mjekësor në Spitalin e Mitrovicës pronari dhe djali i tij
Mësohet se njëri prej policëve që ka sulmuar fizikisht djalin e pronarit dhe pronarin e restorantit, i është nënshtruar alkool-testit, ku ka rezultuar me 0.52 mg/L.
Lidhur me rastin janë intervistuar dy ankuesit, si dhe një kamerier në cilësinë e dëshmitarit.
Për përfshirjen e zyrtarit policor është njoftuar edhe Inspektorati Policor i Kosovës, i cili pritet ta intervistojë atë pas kthjellimit.
Në raportin 24 orësh të policisë, bëhet e ditur se rasti po trajtohet si “Lëndim i lehtë trupor”, ndërsa me rastin tashmë është duke u marrë IPK-ja.
