Kompania “IP-KOS” SH.P.K., në pronësi të biznesmenit Shaip Mikullovci, ka dalë fituese në tri pjesë të tenderit të madh të shpallur nga Agjencia Qendrore e Prokurimit për furnizimin e institucioneve publike me karburante.
Sipas njoftimit për rezultatin e aktivitetit të prokurimit, vetëm nga tri lotet e publikuara, kompania ka siguruar kontrata në vlerë të përgjithshme prej rreth 7 milionë euro.
Kontrata më e madhe i është dhënë për furnizimin me karburante të veturave të institucioneve publike të nivelit qendror. Për këtë pjesë, “IP-KOS” do të përfitojë 2,677,820.40 euro.
Kompania është shpërblyer edhe me kontratën për furnizimin e institucioneve publike në Rajonin e Prishtinës, në vlerë prej 2,124,387.95 euro.
Pjesa e tretë e tenderit që ka përfunduar në duart e së njëjtës kompani lidhet me furnizimin me derivate të institucioneve në Rajonin e Pejës dhe Gjakovës, me vlerë prej 1,297,836.42 euro, si dhe lloti 9 prej hiç më pakë se 709 mijë euro për furnizim me karburante për rajonin e Mitrovicës
Kështu, një pjesë e konsiderueshme e furnizimit të institucioneve shtetërore dhe lokale me karburante është përqendruar te kompania e biznesmenit Shaip Mikullovci, për të cilin në publik janë ngritur pretendime për afërsi me pushtetin aktual /Front Online/Veriu.info
LEXONI EDHE:
Shaip Mikullovci, oligarku që po i bie “tamam” Albin Kurtit?!
