4 maji i vitit 2013 shënon ditën kur një dritare e re e informacionit u hap, përplot guxim e vendosmëri.
Gazeta Online Veriu.info shumë shpejt arriti të bëhet dritarja kryesore ku qytetarët informoheshin për çështjet me rëndësi publike e politike.
Blerim Zhabari dhe Gazmend Morina të rinj në moshë, por të vendosur, filluan një rrugëtim aspak të lehtë, përplot sfida të cilat minimizoheshin nga sukseset.
Themeluesi i Veriu.info, Gazmend Morina, ka shkruar me plot emocion për këtë rrugëtim 10 vjeçar, që nuk iu nënshtrua asnjë grupi e asnjë presion, por që mision kishte të vërtetën dhe interesin publik.
Morina ka shkruar se kur hapën median online më 2013 ato numëroheshin në gishta, por që ishte një eksperiencë e re.
Ai ka njoftuar se kompania Veriu.info së shpejti do të vije me projekte të reja, sektorin e patundshmërive e nga kjo verë edhe me video kronika.
Nga ky vit Veriu.info do të fillojë ndarjen e çmimit gazetari i vitit, çmim që do të mbajë emrin e bashkëthemeluesit të portalit, Blerim Zhabari.
Veriu.info 10 vite me ju!
4 maj 2013, ishte dita kur filloi punën zyrtarisht portali Veriu.info! Çka më thanë, 10 vite punë qysh me i përshkru më një status?! Nuk përshkruhet gjithë ajo sakrificë e ai mund i yni i viteve të para, sepse punuam nga 16 orë në ditë pa pushim me javë e muaj, vetëm e vetëm të futeshim në tregun medial online të Kosovës, si medium që citohej që në muajt e parë nga gjithë mediat e Kosovës, përfshirë edhe televizionet.
A ishte e vështirë, tepër bre tepër shumë, por që së bashku me Blerim Zhabarin asokohe ia dilnim. Pavarësisht sfidat të punës, mungesës së mjeteve financiare, presioneve nga grupe të interesit (politike, banditeske, ekstremistë fetar e politik, kriminelë që fsheheshin pas bizneseve legale, etj.), nuk u dorezuam asnjëherë në misionin tonë për krijimin e një mediumi online serioz.
Sot, gazeta online/portale e faqe në Facebook, po hap gjithkush, por para 10 vitesh ishte e vështirë. Mediat onine në mbarë Kosovën numëroheshin në gishtat e duarve, gjë që ishte eksperiencë e re për secilin. Ndërsa, tash janë me dhjetëra apo qindra. Të mbijetohet si medium në këto vite nuk ishte e lehtë, sepse shumë media u hapën e u mbyllën. Por që ne, si shumë të tjera, ia kemi dalur deri këtu. A gabuam ndonëherë? Natyrisht se po, por asnjëherë nuk ishin gabimet e qëllimshme.
Si mbijetuam? Me plotë mund e sakrificë, duke punuar fortë e me vendosmëri me qëllimin për informimit të lexuesve, por pa iu nënshkruar asnjëherë presioneve e frikës që grupet e interesit kanë tentuar kohë pas kohe ta bëjnë ndaj nesh.
Sivjet synojnë të ecim një hap tutje, duke u zgjeruar akoma në ofrimin e produkeve si kompani. Fillimisht do të lansojmë sektorin e shitjes së patundshmërive, e pastaj gjatë verës duke publikuar edhe video-kronika.
Nga ky vit do të fillojmë edhe ndarjen e çmimit vjetor për gazetarin/en e vit, çmim i cili do të mbajë emrin e bashkëthemeluesit e portalit Veriu.info, Blerim Zhabarit, i cili është më meritori pse ne funksionojmë akoma.
Ju lodha pak, por edhe vet kokna mbush frymë t’u shkru, sepse Veriu.info për mua nuk është vetëm punë e rëndomtë, është emocion e pasion!
