Kryeministri i Shqipërisë, Edi Rama, ishte dje për vizitë në Kosovë.
Ai u prit në takim nga Presidentja e vendit, Vjosa Osmani, por jo nga kryeministri Albin Kurti.
Kjo është hera e dytë që kryeministri i Kosovës refuzon të takohet me homologun e tij shqiptar.
Në lidhje me këtë vizitë të kryeministrit Rama në Kosovë dhe qëndrimet e Kurtit , ka folur për “Gazeta Blic” njohësi i zhvillimeve politike nga Shqipëria, Enton Abilekaj.
Ai tha se mundësia e ditës së hëne për një takim, mes kryeministrit të Shqipërisë dhe atij të Kosovës, dështoi jo për faj të Albin Kurti.
Abilekaj tha se Rama ishte i ftuar në Kosovë për ditën e çlirimit por nxitoi të sajonte me LDK-në nje perkujtimore të Ibrahim Rugoves dy ditë përpara ftesës zyrtare.
“Eshtë shumë e veshtirë të kuptohen marrdhëniet mes liderve shqiptare, kudo që ndodhen, por mundësia e së hënes për një takim, dështoi jo per faj të Albin Kurtit, mesa kuptohet nga palët.
Sepse Edi Rama, i ftuar ne Kosovë per diten e çlirimit nga Qeveria Kurti, nxitoi të sajonte me LDK-në nje perkujtimore te Ibrahim Rugoves dhe të shkojë në Prishtinë, në mënyre provokuese dy dite përpara fteses zyrtare nga qeveria.
Eshte e qartë se ai e beri këtë që të mos i pergjigjej fteses zyrtare per 25 – vjetorin e çlirimit dhe të evitonte takimin me Kurtin, gjë që është shumë e rendë. Në një dite jubilare të pazevendësueshme për kombin shqiptar dhe veçanërisht per Kosoven, Kryeministri i Shqiperise vendos të mungoje” tha Abilekaj për “Gazeta Blic”.
Ai tutje u shpreh se ‘kemi një kryeministër shqiptar që kërkon të imponojë politikën e tij ne Kosovë’.
“Ajo që bën përshtypje është se takimin e së hënes u mundua ta justifikonte në Shqiperi me “25 vjetorin e ndërhyrjes se NATO-s”. Lexoni terminologjine që përdori ne faqen zyrtare. Një Kryeminister shqiptar që ngaterron ndërhyrjen e NATO-s në Kosove, me diten kur hyne trupat, vetem per te mos folur per çlirimin, se merzitet Vuçiç.
Nëse dikush do i mendoje këto reshta si shpotitje kundër Rames, duhet te kujtoje që e njejta pozitë ka qenë mes Ramës dhe Thaçit për Ballkanin e Hapur, mes Ramës dhe Harasinajt per taksen, mes Rames dhe Mustafes, mes Rames dhe Hotit dhe tani mes Rames dhe Kurtit.
Kemi një kryeminister shqiptar që kërkon të imponojë politiken e tij ne Kosovë, por jo për të mirën e Kosovës, për interesat e pushtetit te tij” deklaroi njohësi i zhvillimeve politike nga Shqipëria, Enton Abilekaj.
Kryeministri i Shqipërisë, Edi Rama, ishte i pranishëm dje në Prishtinë ku mori pjesë në konferencën “Rugova dhe Perëndimi” të mbajtur në nder të 25-vjetorit të Çlirimit të Kosovës.Atij iu dha edhe ‘Çelësi Qytetit’ nga kryetari i Komunës së Prishtinës, Përparim Rama.
