Një operacion i gjerë policor kundër skemave piramidale dhe bixhozit të paligjshëm në Skenderaj ka rezultuar me arrestime, sekuestrime dhe masa të ndryshme ndaj të dyshuarve.
Ngjarja lidhet me datën 18 prill 2026 rreth orës 20:45, kur hetues nga sektori rajonal dhe stacionet policore, në mbështetje të Njësisë për Reagim të Shpejtë nga DRP Mitrovicë Jug, kanë zbatuar urdhëresë të Gjykatës Themelore në Mitrovicë – dega në Skenderaj, duke kontrolluar 15 lokacione, përfshirë lokale dhe banesa.
Gjatë bastisjeve janë sekuestruar:
* pajisje elektronike (DVR dhe telefona),
* të holla,
* si dhe dëshmi tjera që ndërlidhen me bixhozin dhe skemat piramidale.
Në tri lokacione janë gjetur dhe sekuestruar edhe armë zjarri pa leje.
Siç mëson Sinjali, të dyshuar në këtë rast janë: Egzon Ferizi, Elbasan Lushtaku, Blerim Gecaj, Xhevdet Vocaj, Arben Xani, Faton Kajtazi, Blerim Shatri dhe Ylber Ahmeti.
Pas intervistimit: Egzon Ferizi, Blerim Gecaj, Xhevdet Vocaj dhe Ylber Ahmeti janë ndaluar fillimisht për 48 orë, ndërsa të tjerët janë liruar në procedurë të rregullt.
Zhvillimet kanë vijuar më 20 prill 2026, kur: Egzon Ferizi dhe Xhevdet Vocaj janë liruar, ndërsa Blerim Gecaj dhe Ylber Ahmeti, me vendim të Gjykatës, janë dërguar në paraburgim për 30 ditë në Qendrën e Paraburgimit.
Rasti është iniciuar si “Organizim i skemave piramidale dhe bixhozit të paligjshëm” dhe “Mbajtje në pronësi dhe kontroll të paautorizuar të armëve”, ndërsa hetimet janë në zhvillim.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
