Lëvizja Vetëvendosje ka hyrë në procesin zgjedhor të brendshëm. Edhe dega e Mitrovicës po mban kuvendet zgjedhore nëpër nëndegët, duke kompletuar kryesitë.
Kohë më parë është krijuar një grup punues nën udhëheqjen e koordinatorit dhe deputetit, Armend Muja, mirëpo ky proces sipas Ramadan Beshirit nuk është gjithëpërfshirës pasi nuk janë përfshirë edhe disa lagje dhe fshatra të rëndësishme.
Ramadan Beshiri, i cili në zgjedhjet parlamentare të 14 shkurtit ishte krah i djathtë i Armend Mujës, tash ka vendosur ta rivalizoj në garën për kryetar të VV-së në Mitrovicë, duke hedhur edhe kritika konkrete në lidhje me procesin e brendshëm partiak zgjedhor që po e udhëheq Armend Muja.
Në një fjalim të mbajtur, Beshiri ka shpallur kandidaturën e tij për kryetar dege, duke ftuar edhe të tjerët t’i bashkangjiten atij.
Aktivisti i VV-së ka folur edhe për rrjedhjen e deritanishme të VV-së në Mitrovicë, duke përmendur shumë parregullësi që quan deri tek humbja e pushtetit, poashtu ai ka përmendur edhe etiketimet dhe akuzat që janë bërë grupit të Tavnik City.
Ai i ka bërë me dije edhe deputetit Muja që reformimi bëhet me figura të reja që janë të pranuara në publik dhe jo me struktura të vjetra që po duan të riciklohen.
Postimi i plotë:
🚨🛎 Udhëkryq i rëndësishëm mes “reformimit dhe deformimit”
Lëvizja VETËVENDOSJE!
1 Prill 2022
