Avokati i njohur kosovar Kastriot Feka përmes Feka & Partners ka fituar çështjen e Shoqatës së Biokimistëve Klinikë të Kosovës në Gjykatën Supreme, raporton Gazeta Online Veriu.info.
Sipas këtij vendimi Gjykata Supreme ka aprovuar kërkesëpadinë dhe ka shfuqizuar kriterin e përcaktuar me Udhëzimin Administrativ nr. 02/2026, i cili u mundësonte të diplomuarve në Farmaci të aplikonin për specializim në Biokimi Klinike. Në shqyrtimin e çështjes, Gjykata ka trajtuar dallimet në formimin akademik, kompetencat dhe profilet profesionale, si dhe bazën ligjore dhe procedurale mbi të cilën ishte bërë zgjerimi i këtij kriteri.
Në këtë çështje, puna e Feka & Partners është fokusuar në vlerësimin e ligjshmërisë së aktit administrativ, ndërtimin e argumentimit juridik dhe përfaqësimin e interesave të klientit para Gjykatës Supreme.
Zyra Feka & Partners këshillon dhe përfaqëson klientë në kundërshtimin e vendimeve dhe akteve të institucioneve publike, si dhe në çështje komplekse që kërkojnë analizë të specializuar juridike dhe përfaqësim para gjykatave.
Postimi i plotë:
Feka & Partners fiton çështjen para Gjykatës Supreme
Feka & Partners ka përfaqësuar me sukses Shoqatën e Biokimistëve Klinikë të Kosovës në një kontest administrativ ndaj Ministrisë së Shëndetësisë, të përfunduar me Aktgjykimin SUP.nr.23/2026 të Gjykatës Supreme të Kosovës.
Gjykata Supreme ka aprovuar kërkesëpadinë dhe ka shfuqizuar kriterin e përcaktuar me Udhëzimin Administrativ nr. 02/2026, i cili u mundësonte të diplomuarve në Farmaci të aplikonin për specializim në Biokimi Klinike. Në shqyrtimin e çështjes, Gjykata ka trajtuar dallimet në formimin akademik, kompetencat dhe profilet profesionale, si dhe bazën ligjore dhe procedurale mbi të cilën ishte bërë zgjerimi i këtij kriteri.
Në këtë çështje, puna jonë është fokusuar në vlerësimin e ligjshmërisë së aktit administrativ, ndërtimin e argumentimit juridik dhe përfaqësimin e interesave të klientit para Gjykatës Supreme. Vendimi është një shembull konkret i rëndësisë së kontrollit gjyqësor ndaj akteve të institucioneve publike, veçanërisht kur ato ndikojnë në të drejta, interesa profesionale dhe në rregullimin e profesioneve të caktuara.
Ky rast është pjesë e punës së Feka & Partners në fushën e së drejtës administrative. Zyra këshillon dhe përfaqëson klientë në kundërshtimin e vendimeve dhe akteve të institucioneve publike, si dhe në çështje komplekse që kërkojnë analizë të specializuar juridike dhe përfaqësim para gjykatave.
Për më shumë detaje, aktgjykimin e plotë të Gjykatës Supreme mund ta lexoni në këtë link: https://supreme.gjyqesori-rks.org/wp-content/uploads/verdicts/SUP__23_2026_SQ.pdf
