Deputeti i PDK-së, Bekim Haxhiu në seancën e Kuvendit të Kosovës ka komentuar situatën aktuale në sektorin e shëndetësisë.
Haxhiu tha se i kupton shqetësimet e shumicës së deputetëve, pasi që qeveria nuk ka sjellur asnjë ligj substancial për shëndetësi, nuk ka asnjë strategji të aprovuar për shëndetësi dhe qeveria po dështon ta realizojë planin e saj qeverisës për shëndetësinë, raporton “Veriu.info”.
Krahas kësaj, deputeti i PDK-së tha se kishte pritshmëri që të ketë më shumë propozime për sektorin e shëndetësisë nga deputetët e mazhorancës.
Haxhiu potencoi faktin se përveç si përfaqësues të qytetarëve, çdo njëri në sallën e Kuvendit mund të ishte pacientë dhe prandaj duhet që të përmirësojnë situatën për pacientët që janë në spitale.
Situatën aktuale në sektorin e shëndetësisë e vlerëosi si shume kaotike, buzë kolapsit në gjendje jashtëzakonisht të rëndë,
Kështu që, Haxhiu kërkoi që opozitë dhe pozitë të bëhen bashkë dhe të propozohet një rezolutë për pagën e mjekut specialist, në vlerën prej 1800 euro.
“Me këtë rezolutë me propozu edhe që paga e mjekut specialist të jetë 1800 euro dhe kjo të jetë bazë edhe për profesionistët tjerë shëndetësor bazuar në koeficientët e tyre”, tha Haxhiu, raporton “Veriu.info”.
“Kur po e propozoj këtë, propzoime të ngjashme e më konstruktive kam bërë edhe për ligjine pagave, ligjin për buxhet, dhe jam munduar të jap kontribut në dobi të interesit të pacientëve dhe qytetarëve të Kosovës”, deklaroi deputeti i PDK-së.
Për Haxhiun, fusha e shëndetësisë asnjëherë nuk ka qenë politike, por gjithmonë profesionale dhe humane./Veriu.info/
