Në fushatën parazgjedhore për zgjedhjet lokale te vitit 2021, ishin zhvilluar debate të ashpra mes dy kandidatëve për kryetar të Vushtrrisë, Xhafer Tahirit të LDK-së dhe Ferit Idrizit të PDK-së, ku ky i fundit arriti t’i fitoj zgjedhjet.
Pas zgjedhjeve lokale ish kryetari Xhafer kishte paditur për shpifje dhe fyerje kryetarin e Vushtrrisë, Ferit Idrizin, duke i kërkuar 931 mijë euro dëmshpërblim.
Sipas padisë së Xhafer Tahiri, kryetari i tanishëm “shpifjet” dhe “fyerjes” i ka bërë me qëllim të përfitimit të votive për vete dhe në dëm të tij.
Në seancën gjyqësore që u mbajt dje, procesverbalin e së cilës e ka siguruar Veriu.info, është shikuar prova e cila i ishte bashkangjitur padisë nga ana e paditësit, Xhafer Tahiri.
“Po ashtu këtë dosje i padituri e ka përdorur për të shpifur dhe për të përhapur të pavërteta lidhur me personalitetin tim edhe në debate televizive, sidomos në ‘Klan Kosova’ dhe fakte të tjera që janë të prezantuara, me qëllim që të përfitojë vota për vete dhe të dëmtojë reputacionin tim dhe figurën time” – tha Tahiri.
Por me administrimin e kësaj prove nuk është pajtuar avokati i Ferit Idrizit, Ekrem Salihu, duke e kundërshtuar administrimin e saj, pasi që sipas tij, prova ishte paraqitur në shqyrtim gjyqësor e jo në seancë përgatitore ashtu siç e parasheh ligji.
“I kam katër kallëzime penale që janë parashtruar pranë Prokurorisë Speciale kundër paditësit {Xhafer Tahiri} që janë deponuar pranë Prokurorisë Speciale të Kosovës të inicuara nga kryetari i Komunës (Ferit Idrizi) që janë të datës 31 korrik 2023, 31 korrik 2023, 25.11.2022 dhe 25.11.2022”- u deklarua Salihu.
Në fjalën përfundimtare të palëvve, Ekrem Salihu, përfaqësues i të paditur Ferit Idrizi, ka thënë se mbetet të tërësi pranë përgjigjes në padi dhe gjitha deklarimeve të deritanishme, duke shtuar se: “siç kemi deklaruar në përgjigje në padi dhe në seancat dëgjimore, ku u vertetua se padia e paditësit (v.j.: Xhafer Tahiri) është e paqëndrueshme dhe pa bazuar edhe nga vetë dëgjimi dhe vështrimi i CD famoze të dorëzuar nga paditësi, fare kjartë shihet se i padituri (v.j.: Ferit Idrizi) nuk ka kryer as shpifje e as fyerje”.
Tutje Ekrem Salihu, përfaqësues i të paditurit i ka përkujtuar paditësit Xhafer Tahiri se: “raporti i Zyres Kombëtare të Auditimit për vitin 2021 ka qenë raport i kualifikuar më shumë shkelje të mëdha ligjore dhe keqpërdorime të detyrës zyrtare, nga paditësi dhe vartësit e tij, e shkëpus vetëm një fragment të këtij raporti, çështja A4, faqe 9 dhe 10 ku konstatohet se paditësi ka pranuar në marrëdhënie pune 141 persona pa procedura, respektivisht me shkelje të ligjit për prokurim publik dhe konstatojnë se në rastin konkret buxheti i komunës me veprime anti ligjore të paditësit është dëmtuar në vlerë prej 150 mije euro dhe shumë shkelje tjera të cilat i konstatuar ZKA e dëmi mund të arrijë mbi 1 milionë euro që i është shkaktuar komunës së Vushtrrisë. Po ashtu shtojë se i gjithë dokumentacioni i përmendur gjendet në Prokurorinë Speciale të Kosvëës, për çka janë duke u zhvilluar hetime. Po ashtu shtoj se një ish vartësi të tij, ish drejtor në qeverisjen komunale gjatë qeverisjes të oaditësit i është ngritur aktakuzë pranë Prokurorisë Themelore në Mitrovicë”, ka thënë Ekrem Salihu, përfaqësues i të paditurit Ferit Idrizi, thuhet ndër të tjera në procesverbalin e seancës gjyqësore të siguruar nga Veriu.info.
