Biznesmenët vushtrrias Kujtim dhe Ylber Pllana ishin në vizitë në panairin ndërkombëtar të ndërtimtarisë “Tüyap Fair and Congress Center” në Stamboll.
Vëllezërit Pllana ishin pjesë e këtij panairi si themelues i dy kompanive “NB Construction” që merret me ndërtimin e objekteve banesore dhe “Kapella Kosova”, e cila është kompani distributore e sistemit të menaxhimit të mbeturinave ‘Kapella’ në objekte banesore dhe hotelieri, shkruan Veriu info.
Në këtë panair morën pjesë 350 kompani prodhuese nga e gjithë bota, përderisa pjesëmarrja e biznesve kosovare në evente të tilla është gjithmonë veprim i mirëseardhur për provimin e Kosovës.
Pjesëmarrja e biznesmenëve Kujtim dhe Ylber Pllana në këtë panair ishte fryt i bashkëpunimit dy vjeçar në mes të “Kapella Chutes” (sistem i menaxhimit të mbeturinave në Turqi) dhe NB Construction (Kosovë), me ç’rast tash po i jep frytet e veta, duke pajisur disa nga objektet më të mëdha në Kosovë me këtë sistem të menaxhimit të mbeturinave.
Ky projekt tash pritet të shtrihet zyrtarisht edhe në Shqipëri.
Përfaqësuesit e NB Construction, Kujtim dhe Ylber Pllana për Veriu info kanë thënë se do të sjellin edhe disa produkte të tjera inovative ne fushën e ndërtimit dhe jo vetëm, per tregun e Kosoves.
Ne foto: Mehdi dhe Taha Gözütok – menaxherë të Kapella Chutes, Murat Gözütok – Pronar i Kapella Chutes, Kujtim Pllana – NB Construction dhe Ylber Pllana – Kapella Kosova
