Drejtoria e Shëndetësisë e Komunës së Mitrovicës që udhëhiqet nga drejtori Fahri Shabani tashmë njihet për shumë skandale të bëra nga drejtori me ekipin e zyrtarëve që e udhëheqin, përfshirë skandalin e marrëveshjes me laboratorin “Avicena”, pagesa të kundërligjshme si avans ndaj kompanive për ndërtimin e QMF-ve, lënie pas dore me vite të veturave zyrtare në parkingje private në qytete jashtë Mitrovicës, blerje të sapunëve për nevojat e institucioneve komunale shëndetësore me çmim 300% më të shtrenjtë se në markete dhe jo vetëm.
Pas rasportimit nga lexuesit e Veriu.info se ka keqpërdorime e abuzime me çmime në tenderët dhe kontratat e lidhura për nevojat e Drejtorisë së Shëndetësisë të Komunës së Mitrovicës, duke shfrytëzuar të drejtat që i jep Ligji për Qasje në Dokumente Publike, Veriu.info ka kërkuar qasje në kontratat e lidhura për nevojat e Drejtorisë së Shëndetësisë për të hulumtuar se a janë vetëm dyshime apo informacione të sakta.
Gjatë analizimit të çmimeve të produkteve në Kontratën Publike Kornizë për “Furnizim me material Higjieniko-Sanitar për Institucionet Shëndetësore dhe Institucionet tjera Komunale, te përshkrimi i artikullit të 50-të kemi hasur në një çmim të dyshimtë.
Artikulli i 50-të “Domestos ose Ekuivalent”, ku fituesi i tenderit kompania “KIGA” Sh.P.K. ka ofertuar dhe nënshkruar kontratën për furnizim me këtë artikulli me çmim prej 3.5 euro për copë.
Veriu.info ka hulumtuar tregun për këtë produkt, kun ë dy super markete (ETC dhe INTEREX) në Mitrovicë sot ky produkt (1l) shitej me çmim prej 1.99 euro deri në 2.39.
Foto: ETC në Mitrovicë, 05.11.2024
Me qëllim që ta përdorim si mostër faktike, kemi blerë 1 litër Domestos në INTEREX, ku shihet edhe çmimi, ora dhe data në faturë.
Nga një kalkulim i thjeshtë matermatikor, del së Drejtoria e Shëndetësisë e Komunës së Mitrovicës që udhëheqet nga Fahri Shabani, e blenë këtë produkt për nevojat e institucioneve shëndetësore me çmim prej 146,4 % deri 175,9 % më shtrenjtë.
Për fund duam të shtrojmë një pyetje për lexuesit: A ju ka ndodhur ndonjëherë të bleni Domestos me çmim prej 3.5 euro?
(Kjo kontratë përmbanë një listë prej 129 produktesh dhe ne do të vazhdojmë t’i analizojmë edhe çmimet tjera të tyre.)
