Zv/kryeministri serb, njëherësh ministri i Punëve të Brendshme në Serbi, Ivica Daçiq është deklaruar sërish në lidhje me rastin e Faton Hajrizit.
Ai tha se gjithçka çfarë flet e ka si informacion nga Policia.
“Ne nuk bashkëpunojmë me policinë e Kosovës, sepse nuk e njohim Kosovën si shtete të pavarur. Bashkëpunimin policor e arrijmë përmes EULEX-it dhe organizatave të tjera. Por ata nuk u përgjigjen nëse kishin lëshuar një urdhërarrest. Ne kemi informacione se si fillim ai ua kishte dhënë dokumentet e Gjermanisë policëve e më pas ka gjuajtur në drejtim të tyre. I dyshuar është edhe vëllai i tij. Kur e pa se çfarë kishte ndodhur, shkoi në policinë e Hanoverit në orën 11:55 dhe raportoi se i kishin vjedhur dokumentet. Ai ka deklaruar se dokumentet ia ka vjedhur vëllai i tij, i cili një ditë më parë me të ishte në Hanover, pra një pyetej logjike. Vrasja ka ndodhur në ora dy e gjysmë të mëngjesit, ai thotë se një ditë më parë ka qenë në Hanover, e pasdite është larguar nga Presheva. Pse dikush do të kthehej nëse do të donte të arratisej në Gjermani? Pra është gënjeshtër”, deklaroi Daçiq.
AI tha se dyshimet janë se dokumentet i janë dhënë qëllimshëm atij.
“Gjermania ende nuk na është përgjigjur, vetëm na kanë dërguar një deklaratë. Nuk morëm përgjigje nëse Fatoni ishte aty. Ne kemi bashkëpunim me Gjermaninë, por dikush duhet të merret me të. Nuk e dimë se si ka ardhur në Preshevë, nuk është e ligjshme. Pse për të nuk u lëshua urdhërarrest pas arratisjes”, shtoi ai.
Daçia gjithashtu tha se një person nga Sllovenia organizoi transportin e Faton Hajrizit përmes Serbisë, por s’e ende nuk e dinë për kë bëhet fjalë
“Rikonstruktimi i ngjarjes është i tillë që ai ka ardhur në Preshevë, ka kërkuar një mënyrë për të arritur në Bosnjë dhe Hercegovinë, në këtë kuptim është një person kyç, me të cilin nuk e dimë se si ka rënë në kontakt, ka qenë organizator dhe ky është një person nga Sllovenia. Një çift i martuar u angazhuar nga dikush nga Sllovenia për të gjetur dikë që ta transportonte dhe e gjetën këtë burrë nga Tutini. Nuk është automjet taksi, ai mesa duket është marrë me transportin e migrantëve dhe e ka transportuar në Loznicë. Informacione të mëtejshme janë se ata kishin për detyrë ta transferonin përmes Drinës, me anije dhe më tutje Ne kapëm dhe arrestuam të gjithë personat që ishin në atë zinxhir. E vetmja gjë është se ne ende nuk kemi të dhëna operative nga Sllovenia”, ka thënë Daçiq.
