Veriu.info dje ka raportuar ekskluzivisht për largimin e kryetarit të klubit FC Vushtrria, Shemsi Rrahimi dhe emërimin e një politikani në vend tij.
EKSKLUZIVE: FC Vushtrria nga nesër me kryetar të ri, këtë pozitë pritet ta marrë një politikan
Në mbledhjen e sonte të Kuvendit të FC Vushtrria është larguar Shemsi Rrahimi nga pozita dhe në vend të tij është zgjedhur Rrahman Rama, i cili është deputet i PDK-së në Kuvendin e Kosovës.
Ish komandanti i Zonës Operative të Shalës në UÇK ka marrë drejtimin e klubit, për të cilin Veriu.info ka raportuar muajve të kaluar për keqmenaxhim e dyshime për keqpërdorime të shumta.
Ndryshe, sponsor kryesor i klubit prej vitit të kaluar është Shaip Mikullovci me kompanitë e tij.
Burime të Veriu.info bëjnë të ditur se rezultatet e dobëta të FC Vushtrria në xhirot e para janë pasojë e mosdhënies së pagave për futbollistët prej tre muajsh.
