Shkruan: Kimete Berisha
– Albin Kurti tha se ai dhe shteti i tij nuk janë ngutur të sjellin Drejtësi, sepse siç ka thënë populli, tha, kur të duan e zënë lepurin me qerre.
– Ama, nuk ka thënë populli që ‘shteti e zë lepurin me qerre’!
Se, populli s’kanë pasur shtet kur ka lindur kjo idioma me qerre e me lepur.
Pra, kryeministri po manipulon dhe po bën luftë hibride me lepurin, se kjo idiomë është më e vjetër se shteti!
– Thuhet, se njeriu i shkathët,
për shembull, s’po më kujtohet për shembulli, e zë lepurin me qerre, sepse nuk i ngutet!
– Shtetit të Albin Kurtit nuk i ngutet, ka mundur ta zë lepurin me qerre kur ka dashur, por nuk ka dashur, e ka lënë ta zë lepurin në mandatin e tretë, sepse, siç u tha më lart, nuk i ngutet.
– Tek e fundit pse duhet ta zë shteti lepurin me qerre, përveç për ta hëngër!
– Se sikur t’i ngutej dikujt, nuk do të vazhdonte ende gjyqi ndaj atyre infermiereve që e rrahën të moshuarën.
Shumë u mërzita kur e lexova se Drejtësia (edhe pse e ka parë rrahjen në video), ende nuk ka vendosur se a lejohet a jo që infermierja ta rrahë një të moshuar në shtëpinë e pleqve!
Janë duke e studiuar rrahjen, ndërkohë e moshuara ka vdekur!
– Jetojmë këtu, në këtë ‘thertore të drejtësisë’!
Këtu është njëfarë anarkie e heshtur si shtypja e gjakut që të mbyt pa e hetuar, ngadalë!
Këtu s’ka luftë hibride, por është një paqe hibride, prandaj askush s’është i qetë!
– Dhe, s’i ngutet shtetit ta gjejë atë rrotën e së ëmës që ka guxuar ta vjedh gjakun e të ndjerit AD.
S’i ngutet askujt!
Sepse, kur të duan mund ta zënë lepurin me qerre.
Por, nuk duan!
– Kosova s’ka Drejtësi, që do të thotë s’ka asgjë.
Këta flasin për armikun e jashtëm verior, e për Rusinë, por armiku më i madh i Kosovës është sistemi i saj i Drejtësisë.
– Ka kaluar një vit që kur Liridona u vra në mënyrën më të tmerrshme dhe se Drejtësia vegjetojnë, blejnë kohë, e shtyjnë kohën…. e lënë të vjetërohet gjaku…Të zhduken gjurmët!
A çka?
Pse, çfarë presin tjetër këta..
– Drejtësisë së Kosovës duhet t’i vëhet dryri, ajo është një ‘varr’ për njerëzit e varfër, dhe një ferr viktimat dhe për të pamundurit.
Pa u dekriminalizuar Drejtësia, këto temat e tjera janë luks.
– E ministreshë të Drejtësisë e kemi pasur një ‘shminkericë’, që si një narcisiste e çmendur sillej si grua e porcelanit!
Asnjë punë të vetme nuk e ka kryer, përveç që e ka ndihmuar kunatin e saj duke e transferuar në hotelin e burgut rë Smrekovnicës!
– Se kur po ju ther në zemër, po dinë të kryejnë punë.
– Qeveria Kurti ishte qeveria e familjes! Përveç e familjes së Albin Kurtit!
Veç një budalla pranon të korruptohet për familjet e hallkut, e të veten e lë keq!
S’e kuptoj si nuk i vjen inat të bëhet hotel për kriminelët!
– Të jetosh në një shtet pa Drejtësi,
të duhen këllqe!
Është heroizëm të jetosh në vendin më
të varfër dhe më të padrejtë e të pabarabartë.
– Duke folur si kandidat i ri për kryeministër të ardhshëm, kryeministti Albin Kurti u ankua se reformat e tij i ka penguar Drejtësia! Gjysmë e vërtetë!
(Me përjashtim kur Drejtësia vendosi që mirë ka vepruar Glauku që ka hedhur gaz lotsjellës në Kuvend dhe i ka bërë deputetët për spital…
Dhe, ai rasti kur Drejtësia tha se mirë ka bërë Donika Gërvalla që e ka fshehur pasurinë e saj nga shteti).
– Drejtësia në Kosovë është armiku më i madh i Kosovës, prandaj edhe i Albin Kurtit!
– Kosova s’ka armik më të madh….
Por, Drejtësia nuk e ka penguar kryeministrin t’i hip qerres e ta zë Rozeten me miell në shpinë.
Bile Rozetën ta kishte zënë!
– Pse nuk i hipi qerres së shtetit e t’ia zë bishtin Martinit të përbishtur me serbë…
Por e rehabiliton Martinin, kujton se e rehabiliton, se nuk e sheh Martinin si lepur, dhe as nuk ka mendim të keq për paratë serbe, dhe s’duhet të ketë.
– Kryeministri u ankua se si kurrë asnjë gazetar e asnjë media nuk e ka folur një fjalë të mirë për të!
Tha se nuk e duan gazetarët, sepse gazetarët janë me Serbinë.
– Mund të jenë.
Por, të vërtetat nuk mund të fabrikohen në këtë kohën tonë kibernetike!
Lajmet e rrejshme janë qesharake!
– A është vjedhur mielli dhe vaji i rezervave shtetërore?
Po.
Edhe?
– Edhe më e rëndë se vjedhja është që kryeministri kujton se ia ‘blen’ mëkatet Rozetës, si kishë e vjetër, kur e merr me vete para varreve të Drenicës.
– Martini e do kryeministrin, anipse Martini është me Serbinë, por ai s’është gazetar, prandaj tjetër lloj dashurie është kjo!
– Thuaj çfarë të duash…se nëse blejmë gjithçka nga Serbia, edhe ilaçe, pse të mos e blesh edhe rrymën!
Është absurd ky patriotizmi energjetik.
– Ashtu siç ka thënë Glauku, s’ka si Albin Kurti, është i pazëvendësueshëm!
Sepse s’ka me kë të krahasohet, nuk ka Vetëvendosje, është vetëm Albin Kurti. Prandaj, është më ‘i miri’ ndër ta, sepse është i vetmi!
– Dhe kjo e bën që, pa fajin e tij, të ndjehet grandioz.
E, ndjenja e madhështisë të merr më qafë, se të bën paranojak!
E një paranojak sheh veç të dyshuar, dhe armiq.
Por edhe paranojaku ka armiq, siç ka thënë njëri…
– Është, si të them, grandioz romantik, se i teston dhe i matë ndjekësit e tij me dashurinë që e kanë për të dhe ata duhet ta dëshmojnë veten se a janë në gjendje të bëhen kërrsh për të!
– Pra, është si i burgosur i dashurisë, se është i vetmi politikan që bazohet në dashurinë e njerëzve për të.
A ka gabim më të madh se ky?
Ka.
– Për ta bindur kryeministrin që e duan, duhet ta tregojnë veten me vepra: ose ta zhdëpin ndonjë kundërshtar të tij, e nëse s’je i zoti t’ia tharbësh hundën, mund ta shash, e nëse as të shash nuk ta mban prapa (nica), atëherë minimumi e nxjerr mikrofonin me rrënjë dhe i këput kabllat….
si protestë dashurie dhe performancë
besnikërie ndaj kryeministrit!
– Ama, veç hajt, valla unë
të dua, me fjalë, s’ka, se s’të merr n’dorë kush.
Veç femrat ende lidhen për fjalësh.
Përcjelle situatën, përcjelli shenjat, tregoje me urrejtje ndaj tjetrit dashurinë ndaj tij, rrahu, rrapëllo, thyej diçka, shaj, shkatërro nëse do të jesh bindës…
– Kryeministri kërkon ushtarë, të bindur, e jo bashkëmendimtarë, se s’ka mendimtarë. Ku janë ata?
– Kur janë parë për herë të fundit në Kosovë!
– Unë mendoj, dhe mirë e kam, se ai mashkulli me gërsheta, pasi e shkuli mikrofonin e popullit të Prishtinës duke e paramenduar ‘kokën’ e Albinit, vazhdoi duke folur hasha për Albinin…
Ata meshkujt komunal të Albinit thanë se kanë vjedhur hatri i tij.
E dinin se ka kamera komuna, (kamerat kanë harruar t’i vjedhin), por ishin tërbuar e nuk përmbaheshin dot, ndaj u dëgjuan duke thënë me zë të lartë se ata vjedhin për Albinin.
Trima në dashuri siç u dëshmuan me vepra, garonin se cili ka vjedhur më shumë për Albinin!
– Komplet Badovcin e kishin pas vjedhur për Albinin dhe ky ende nuk ua aprovuar dashurinë.
Yeah, I would fight for you
I’d lie for you
Walk the wire for you
Yeah, I’d die for you
Everything I Do I Do It for You!
– Në fakt, njohësit e dashurisë e dinë fare mirë se gjjthkush e bën për vete, por thotë se e bën për tjetrin, se ashtu duhet të thuash, se tingëllon më bukur!
– Ndërkohë, Bedri Hamza i ka treguar popullit se e do nanën e tij.
Ndërsa Lumiri ka piskatur : Faleminderit Vjenë (kur i ka falenderuar mërgimtarët e Vjenës).
– Lumirit nuk i shkon për shtati dashuria, si Albinit.
E përkundër këtyre të dyve, Bedri Hamza është i avitshëm, i avit njerëzit me një urtësi origjinale dhe dashuri të përgjithshme!
Çdo gjë është militarizuar.
Na merr malli për njerëz të qetë.
Prandaj, na duhet dikush, kushdo, që na qetëson si një dua në gjuhë të huaj, dhe na qetëson, veç pse nuk e kuptojmë çfarë po thotë!
P.S. Ditë e re, nafakë e re!
– Hovenieri po shkon nga Kosova me mirënjohjen ‘Ibrahim Rugova’ që ia dha Presidentja Osmani!
Osmani tha për të se ‘Ka qenë më shumë se ambasador’….këngëtar!
Për besë, asnjërën, as tjetrën, s’ka qenë!
Më amerikanë jemi ne!
