Në zgjedhjet e vitit 2010, Kurti renditej pas Fatmir Limajt, që në atë kohë ishte deputet i Partisë Demokratike të Kosovës. Limaj kishte 17 mijë e 222 vota më shumë.
Në ato zgjedhje, personi më i votuar ishte Hashim Thaçi, që ishte kryetar i Partisë Demokratike të Kosovës, ku kishte kishte marrë 160 mijë e 850 vota. Pas tij renditej ish-kryetari i Lidhjes Demokratike të Kosovës, Isa Mustafa me 130 mijë e 213 mijë vota, Fatmir Limaj me 75 mijë e 689 vota, Albin Kurti me 58 mijë e 467 vota dhe Ramush Haradinaj me 54 mijë e 713 vota.
Kurti kishte shtuar vota në zgjedhjet e vitit 2014, duke u renditur i treti. Mirëpo, edhe në ato zgjedhje, më i votuari ishte Thaçi me 166 mijë e 422 vota. Pas tij, Mustafa me 121 mijë e 59 vota, Kurti me 63 mijë e 602 vota, Kadri Veseli me 54 mijë e 872 vota dhe Ramush Haradinaj me 50 mijë e 388 vota.
Renditja kishte ndryshuar shumë në zgjedhjet e vitit 2017, ku Kurti kishte dalë si më i votuari me 143 mijë e 621 vota. Pas tij, ishte Veseli me 129 mijë e 947 vota, Avdullah Hoti me 115 mijë e 693 vota, Ramush Haradinaj me 102 mijë e 127 vota dhe Shpend Ahmeti me 76 mijë e 17 vota.
Kurti kishte dalë i pari edhe në zgjedhjet e vitit 2019. Ai kishte marrë 183 mijë e 952 vota. Pas tij, personi më i votuar ishte Presidentja Vjosa Osmani, që në atë kohë ishte kandidate për deputete nga LDK. Osmani kishte marrë 176 mijë e 016 vota. Pas tyre renditeshin Kadri Veseli si kryetar i PDK’së me 145 mijë e 881 vota, Ramush Haradinaj me 76 mijë e 163 vota dhe Glauk Konjufca me 72 mijë e 686 vota.
Osmani kaloi e para në zgjedhjet e vitit 2021, duke u bërë personi më i votuar në historinë e Kosovës, me 300 mijë e 756 vota. Në ato zgjedhje, Konjufca shënoi rritje të madhe të votave, saktësisht mori 200 mijë e 646 vota. Pas tij, më të votuarit ishin Arben Vitia me 107 mijë e 858 vota, Enver Hoxhaj me 100 mijë e 468 vota dhe Donika Gërvalla me 71 mijë e 722 vota.
Në zgjedhjet e këtij viti, Kurti theu rekordin e Osmanit. Ai u bë më I votuari me 337 mijë e 101 vota, i ndjekur nga Konjufca me 263 mijë e 775 vota. I treti në këto zgjedhje, si ndër më të votuarit, është kandidati i PDK’së për kryeministër, Bedri Hamza me 173 mijë e 438 vota. I katërti është kreu i LDK’së, Lumir Abdixhiku me 146 mijë e 352 vota dhe Faton Peci i pesti me 133 mijë e 572 vota./Reporteri.net
