Më 4 prill të 2021-es ,Vjosa Osmani, që ishte deputetja më e votuar nga zgjedhjet e atij viti, mori besimin e deputetëve për të qenë në krye të Presidencës.
Osmani u zgjodh Presidente me 71 vota, nga 82 deputetë sa morën pjesë në votim.
Mandatin e fituar të presidentes, deputetja e PDK-së, Blerta Deliu po e quan si të zgjedhur me vota të kontrabanduara.
Deliu tha për Front Online se Kosova nuk mburret me punën e Osmanit.
“Që nga zgjedhja e saj si presidente ajo është zgjedhur me vota të kontrabanduara prej zgjedhjes së saj e deri më sot Kosova nuk mund të mburret me presidenten. Asaj sot ju kanë dashur vetëm katër rreshta që ta përmbyll këtë mandat dyvjeçar se nuk ka asnjë sukses”, u shpreh Deliu për Front Online.
Deputetja e PDK-së, e ka cilësuar si zëdhënëse e Qeverisë ‘Kurti’, presidenten në dyvjetorin e punës së saj.
Deliut thotë se gjatë dy viteve nuk ka asnjë njohje për vendin, anipse mandati i Osmanit parasheh politikën e jashtme.
“Vështirë është me i numëru sukseset e Osmanit në këtë dyvjetor. Mandati i saj parasheh kryesisht politikën e jashtme për të cilën Osmani nuk mund të mburret nuk kemi asnjë proces as ndonjë njohje të shteteve as anëtarësimin e Kosovës në ndonjë organizatë. Përveç rolit të saj ceremonial në disa vizita zyrtare Osmani ka qenë si zëdhënësja e Qeverisë Kurit dhe anemike dhe shumë e mbyllur në raport me shqetësimet që i ka pasur vendi, thekoi Deliu.
Anëtarja e Komisionit për Integrime Evropiane, Blerta Deliu ka kritikuar Osmanin edhe për fjalimin e punës së saj njëvjeçare në Kuvend.
Ajo fjalimin e saj e ka quajtur skandaloz.
Sipas Deliut, presidentja e vendit në mandatin e saj e ka reduktuar me inate të politikave ditore.
“Fjalimi i saj për njëvjeçarin e punës ka qenë skandaloz kur para deputetëve ajo atë ditë e zgjidhi jo për të folur për pozicionin e vet por për të sulmuar liderët e UCK-së që po mbahen në Hagë dhe kjo flet se kush na përfaqëson ne si shtet. Osmani asnjëherë nuk ka mundur ta tejkaloj politikën e saj inatqore dhe gjithë mandati e saj e ka reduktuar me inate të politikave ditore”, tha Deliu për Front Online.
Gjatë mandatit, me ftesë të homologëve të saj, presidentja Osmani zhvilloi dhjetëra vizita jashtë shtetit.
Osmani udhëtoi dhe pati takime me liderë të institucioneve në Turqi, Maltë, Katar, Kanada, Gjermani, Portugali, Japoni, Estoni e Austri, etj./FrontOnline
