Një grua është arrestuar të premten në komunën e Mitrovicës, pasi dyshohet për veprën penale “Spiunazh”.
Arrestimi ka ardhur pas hetimeve disa mujore, ndërsa lajmi është bërë i ditur nga Prokuroria Speciale.
Gazeta Online Veriu.info mëson se gruaja e arrestuar është me inicialet e emrit J. B., dhe se arrestimi u bë në Mitrovicë të Veriut.
Raportohet se e dushuara është punëtore e OSBE-së.
“Prokuroria Speciale njofton opinionin publik se pas zhvillimit të hetimeve disa mujore, në bashkëpunim me Policinë e Kosovës – Drejtorinë Kundër Terrorizmit dhe Agjencinë e Kosovës për Inteligjencë, sot në mbrëmje, në regjionin e Mitrovicës ka arrestuar një person, për shkak të dyshimit të bazuar, se në bashkëkryerje e ka kryer veprën penale “Spiunazhi”, nga neni 124 paragrafi 3 lidhur me nenin 31 të KPRK-së”, thuhet në komunikatë.
