Në kuadër të një hulumtimi për parregullsitë në sektorin privat të shëndetësisë, Veriu.info ka siguruar një vendim të Inspektoratit Shëndetësor të Ministrisë së Shëndetësisë me të cilin është gjobitur me 4 mijë euro IPSh (Institucioni Privat Shëndetësor) “Ona Dent” me themelues Petrit Ademi për shkelje të dispozitave të Ligjit të Shëndetësisë.
Në arsyetimin e vendimit të Inspektoratit të Shëndetësisë të datës 16.10.2025 bëhet e ditur se “Ona Dent” nuk u ishte bindur rekomandimeve të dhëna nga inspektimi fillestar, duke mos përmbushur ato, raporton Veriu.info.
Për shkak të një numri të madh të gjeturave, Inspektorati Shëndetësor i ka ndaluar “Ona Dent” ofrimin e shërbimeve deri në tërheqjen e licencës në DLA të Ministrisë së Shëndetësisë, sikurse që është vendosur shenja “ndalim i përkohshëm të veprimtarisë” në ortopan.
Po ashtu doktores Albana Muhadri i është ndaluar ofrimi i shërbimeve deri në lajmërim në DLA.
Më tej Inspektorati Shëndetësor konstaton se IPSh “Ona Dent” e Petrit Ademit ka bërë shkelje të Ligjit për Shëndetësi, duke ushtruar veprimtarinë pa përmbushur kushtet ligjore dhe nuk i ka zbatuar masat e urdhëruara.
Nga postimet e bëra në rrjete sociale, shihet se “Ona Dent” është një klinikë stomatologjike ku kanë marrë shërbime VIP-at vendorë, duke përfshirë grimeren e famshme Sellma Kasumoviq, këngëtaren Loredana Zefi e shumë të tjerë/Veriu.info
LEXONI EDHE:
