Gazetari Berat Buzhala sonte në emisionin “Rubikon” në Klan Kosova foli rreth progresit diplomatik të Kosovës dhe të Shqipërisë.
Sipas tij, aktualisht Kosova është duke shkuar drejt zhbërjes së shtetit, madje sipas Buzhalës vendi është duke shkuar pingul në këtë drejtim.
“Para 10 vjetëve, Kosova në shumicën e indekseve sa i përket demokracisë ka qenë më mirë se Shqipëria. Çka matet me demokracinë? Maten zgjedhjet e lira, maten mediat e lira, maten korrupsioni, janë plot disa gjëra. Aktualisht Kosova, ne po shkojmë pingul drejt pothuajse zhbërjes së shtetit. Deputeti Kurti e ka marr peng komplet Republikën e Kosovës, është gënjeshtar patologjik dhe i ka të gjitha të këqijat”, u shpreh gazetari.
Ky deklarim i Buzhalës më shumë mund të konsiderohet si ekzagjerim i gjendjes, se sa diçka reale. Kjo pasi që rënie në indekse nuk nënkupton zhbërje të shtetit. Në të kundërtën i bie që para 10 vitesh Shqipëria paska qenë duke u shpërbërë!
