Fenerbahçe do të votojë të martën lidhur me kërcënimin për tërheqja nga garat në Superligën e Turqisë.
Në mars, nga klubi turk u tha se do të konsiderojë tërheqjen pasi lojtarët e tyre u sulmuan nga tifozët e Trabzonspor gjatë një ndeshjeje, transmeton Gazeta Express.
Tifozët e Trabzonsporit hynë në fushë dhe u përleshën me forcat e sigurisë dhe me lojtarët e Fenerbahçes pasi ekipi i tyre humbi 3:2.
Tani, te gjiganti turk do të mbahet një mbledhje e jashtëzakonshme e asamblesë së përgjithshme të martën, në të cilën anëtarët e klubit do të votojnë një mocion për tërheqjen e klubit nga liga, ka raportuar “ESPN”.
Fenerbahçe, që fitoi titullin e 19-të të kampionit në vitin 2014, këtë sezon është në pozitën e dytë në tabelë pas 30 xhirove, dy pikë prapa Galatasarayt.
Sipas orarit, është e paraparë që Fenerbahçe të përballet me Adana Demirsporin të mërkurën.
