Ministria e Bujqësisë që drejtohet nga ministri Faton Peci është në qendër të vëmendjes nga dita e djeshme për shkak të një granti rreht 100 mijë euro që kjo ministri ia ka dhënë vëllait të deputetes së LVV-së, Fitore Pacollit.
Ka qenë një anëtar i LDK-së që e ka bërë publik rastin, ndërkohë që më pas kanë vërshuar reagimet. Vetë ministri Peci në reagimin që ka bërë s’e ka mohuar që i ka dhënë grant vëllait të deputetes Pacolli, ndërkohë që ka thënë se do të publikoj emrat e atyre që kanë marrë grante e që janë të afërt me LDK-në.
Në arkivat e aktiviteteve të ministrit të Bujqësisë, Faton Peci, del edhe një grant që i është dhënë fermerit nga Suhareka, Xhemë Beqiraj. Këtë e kishte bërë publike vetë ministri Peci në ‘faebook”,
“Xhemë Beqiraj nga fshati Sopijë i Komunës së Suharekës është përfitues i grantit për ndërtimin e depos për perime dhe mekanizmit bujqësor në vlerë prej 100,000 euro.Xhema, është një ndër bujqit më punëtorë që kam takuar përgjatë këtyre viteve si Ministër”, kishte shkruar ministri Peci në ‘facebook’ më 5 shtator 2023, raporton Express.
Postimi i ministrit Faton Peci
Një vit më pas, fermeri Xhemë Beqiraj nga Suhareka është shfaqur në takimin e strukturave të GUXO-s për themelimin e degës së kësaj partie në qytetin e Suharekës. Xhemë Beqiraj shihet në rreshtin e dytë, teksa duartroket fjalimet e zyrtarëve të GUXO-s, Faton Peci e Jeta Statovci. Ky aktivitet i themelimit të degës së GUXO në Suahrekë ishte mbajtur më 27 tetor të vitit 2024.
Xhemë Beqiraj i rrethuar me të kuqe në tubimin e themelimit të degës së GUXO në Suharekë
Ajo që bie në sy në profilin e fermerit Xhemë Beqiraj në ‘faebook” është afërsia e tij me ministrin Faton Peci. Të dy shihen edhe një video nga një dasëm më 11 gusht 2024.
Screenshot e nxjerrë nga një video e publikuar nga Xhemë Beqiraj, ku shihet bashkë me ministrin Peci në një dasëm
Por kjo nuk është e vetmja fotografi e Xhemë Beqirajt bashkë me ministrin Peci. Më 26 prill 2024 i njëjti ka publikuar një foto tjetër ku shihet edhe kryediplomatja Donika Gërvalla-Schwarz, bashkëdrejtuesja e GUXO bashkë me ministrin Faton Peci.
Fotografia e publikuar nga Xhemë Beqiraj me ministrin Faton Peci dhe kryediplomaten Donika Gërvalla
Profili i ‘facebook’-ut të Xhemë Beqirajt është i stërmbushur me shpërndarje të postimeve të Ministrit Faton Peci e ministres Gërvalla./GazetaExpress/
Më poshtë i gjeni vetëm disa nga postimet dhe shpërndarjet në ‘facebook’ të fermerit Xhemë Beqiraj nga Suhareka
