FIFA ka publikuar renditjen e lojtarëve më të mirë pas fazës së grupeve të Kupës së Botës 2026, ndërsa emra si Lionel Messi, Kylian Mbappe dhe Harry Kane nuk kanë arritur të zënë vendin e parë.
Renditja është hartuar përmes sistemit të ri të vlerësimit të FIFA-s, të zhvilluar në bashkëpunim me Arsène Wenger dhe të mbështetur nga të dhënat statistikore të Aramco, ku analizohen performancat sulmuese, krijuese dhe mbrojtëse të çdo futbollisti.
Undav surprizon të gjithë
Në krye të listës renditet sulmuesi i Gjermanisë, Denis Undav, me notën 8.36 në aspektin sulmues, duke lënë pas Lionel Messin dhe Kylian Mbappen.
Ajo që e bën edhe më të veçantë këtë statistikë është fakti se Undav nuk ishte titullar në asnjë nga ndeshjet e fazës së grupeve.
Ai u aktivizua gjithmonë nga stoli, por arriti të kishte një ndikim të jashtëzakonshëm, duke regjistruar mesatarisht një kontribut në gol çdo 17.2 minuta dhe një gol çdo 28.7 minuta.
Undav shënoi një gol dhe dha dy asistime në fitoren 7-1 ndaj Curaçaos, ndërsa më pas realizoi dy gola si zëvendësues në suksesin ndaj Bregut të Fildishtë.
Messi dhe Mbappe në podium
Lionel Messi renditet i dyti me notën 8.34 në repartin ofensiv, pas gjashtë golave të shënuar në këtë Botëror, duke u bërë njëkohësisht golashënuesi më i mirë në historinë e turneut.
Në vendin e tretë është Kylian Mbappe me notën 8.13, ndërsa Vinicius Junior mban pozitën e katërt.
Renditja e FIFA-s pas fazës së grupeve
Denis Undav (Gjermani) – 8.36
Lionel Messi (Argjentinë) – 8.34
Kylian Mbappe (Francë) – 8.13
Vinicius Junior (Brazil) – 7.92
Johan Manzambi (Zvicër) – 7.57
Ousmane Dembele (Francë) – 7.53
Erling Haaland (Norvegji) – 7.33
Crysencio Summerville (Holandë) – 7.09
Elijah Just (Zelanda e Re) – 7.09
Ismael Saibari (Marok) – 7.08
Në kategoritë individuale, Michael Olise kryeson për kreativitet, Luc De Fougerolles është mbrojtësi më i vlerësuar, ndërsa Orlando Gill i Paraguait dhe Ronwen Williams janë portierët me notat më të larta pas fazës së grupeve. /GazetaExpress/
