Deputeti Haxhi Avdyli, në emisionin DPT te Fidani në Klan Kosova ka folur për koalicionet e mundshme paszgjedhore që Lista Guxo e Vetëvendosje mund të kenë me partitë e tjera.
Avdyli tha se nuk do ta votonte një koalicion potencial me Partinë Demokratike të Kosovës.
“Mendoj se nuk do të ketë nevojë për një koalicion sepse fitorja do të jetë edhe më e madhe se e 2021-tës, por në rast se ndodh kjo unë premtoj këtu se nuk do ta votoj këtë koalicion”, tha ai në Klan Kosova.
“Unë nuk do ta votoj këtë koalicion sepse mendoj se nuk i sjell të mira vendit”, theksoi ai.
Ai në këtë emision foli për shumë tema duke numëruar edhe sukseset e Qeverisë Kurti.
