Gjini tha se partia e tij nuk do ta pengojë krijimin e institucioneve dhe se nëse është e nevojshme do të ofrojë edhe kuorumin.

“Kjo nënkupton që nuk do të pengojmë themelimin e institucioneve, në asnjë mënyrë, nëse ka nevojë për kuorum, do ta bëjmë kuorumin, por na duhet zotimi i pastër me shkrim që këto veprime do të ndërmerren, në kundërvlerë nuk kërkojmë asgjë”, deklaroi Gjini.

Në lidhje me deklaratën e kryetarit të AAK-së, ka folur për “Gazeta Blic” ish-deputeti i Lëvizjes Vetëvendosje, Fatmir Humolli.

Ai duke komentuar deklaratën e Gjinit tha se e njëjta kishte disa kushte në funksion të fuqizimit të shtetit por se nuk kishte kushte për njerëzit e AAK-së.

Humolli tha se edhe ai ‘kur kishte vendosur të hynte në listën e LVV-së për deputet kishte vendosur disa kushte por se asnjëra prej tyre nuk u realizua nga LVV-ja’.

“Deklarata e Gjinit sa e pashë kishte gjashtë kushte në funksion të fuqizimt të funksioneve të shtetit. Nuk kishte kushte për njerëzit e Aleancës për kryerjen e atyre kushteve. Edhe unë kur kam hy në lesten e LVV-së për deputet i pata nxjerr disa kushte por asnjërin kusht timin se pat realizu Lëvizja Vetëvendosje” deklaroi Humolli.

Ish-deputeti i LVV-së, Humolli, tha se ‘praktika tregon se kushtet pa mekanizëm për ti realizu ato janë deshira’.

“Kjo praktikë tregon se kushtet pa mekanizëm për ti realizu ato janë deshira” tha Humolli në intervistën e dhënë.