Veriu.info javën e kaluar kishte raportuar se si sektori i shëndetësisë i Komunës së Mitrovicës, që është nën menaxhimin e drejtorisë që udhëheqet prej drejtorit Fahri Shabani, kishte lënë me muaj ose vite një automjet zyrtar në parkingun privat të një restoranti në Vushtrrisë.
Në fotografitë e publikuara nga Veriu.info shihej automjeti (furgoni) të Drejtorisë së Shëndetësisë, respektivisht të QKMF-së së kësaj drejtorie, i lënë ‘pas dorë’ në parkingun e restorantit “City Grill” në Vushtrri.
Foto: 30.10.2024 – Parkingu i “City Grill” në Vushtrri
Por pas publikimit të shkrimit nga Veriu.info për këtë skandal, autoritetet komunale kanë interevenuar duke tërhequr automjetin nga Vushtrria për ta sjellë në hapësirat e QKMF-së në Mitrovicë.
Veriu.info mëson se automjeti është sjellur në gjendje jo të mirë teknike, pra nuk i janë rregulluar prishjet për të cilat drejtori i QKMF-së, Fevzi Sylejmani kishte thënë që është dërguar në Vushtrri.
Foto: .6.11.2024 – Parkingu i QKMF-së në Mitrovicë
Ndryshe, drejtoria e Shëndetësisë e Komunës së Mitrovicës që udhëhiqet nga drejtori Fahri Shabani tashmë njihet për shumë skandale të bëra nga drejtori me ekipin e zyrtarëve që e udhëheqin, përfshirë skandalin e marrëveshjes me laboratorin “Avicena”, pagesa të kundërligjshme si avans ndaj kompanive për ndërtimin e QMF-ve, lënie pas dore me vite të veturave zyrtare në parkingje private në qytete jashtë Mitrovicës, blerje të sapunëve për nevojat e institucioneve komunale shëndetësore me çmim 300% më të shtrenjtë se në markete, furnizim me “Domestos” për QKMF me çmim 146% deri 175,9 % më të lartë se sa çmimi në market dhe jo vetëm.
Artikulli i plotë për rastin:
