Aleksandër Vajiç është arrestuar nga Policia e Kosovës me urdhër të Prokurorisë së vendit, nën dyshimet për spiunazh.
Ai është i dyshuar për spiunazh në dëm të Republikës së Kosovës, dhe një gjë të tillë e ka bërë duke i dërguar informacione BIA-s.
Në gjurmë të tij ka rënë Agjencia e Kosovës për Inteligjencë, të cilët pas shumë hetimeve kanë zbuluar se i njëjti kishte krijuar një rrjet spiunazhi në Kosovë, dhe të rekrutuarit e tij kanë qenë kryesisht qyetarë serbë, të cilët kanë punuar në orgnaizata ndërkombëtare në Kosovë.
Lidhur me këtë person sonte në një debat televiz ka folur edhe ish hetuesi policor në Policinë e Kosovës, Murat Mehmeti, i cili ka zbuluar detaje rreth Vajiçit, raporton VeriuInfo.
Ai ka zbuluar detaje interesante se ka punuar rreth 10 vite me të në Policinë e Kosovës, dhe se ai kishte si qëllim identifikimin e krahut të ashtuquajtur vehabi.
Madje përmend rastin e një personi në Mitrovicë, Bajram Asllani, i cili ishte identifikuar përmes dëshmive të tij si njëri nga njerëzit më të rrezikshëm në Ballkan si pjesë e rrjetit të Al Qaidas.
Sipas Mehmetit ky person ishte bërë temë edhe nga FBI, që kishte kërkuar ekstradimin e tij, por që nuk kishte asnjë lidhje me rrjetin Al Qaida.