Ish kandidati i PDK-së për deputet, Selver Xhelili ka bërë të ditur se ka përmbyllur një proces 18-mujor për sigurimin e certifikatës së pronësisë së hotelit më të madh në Ksamil “ Milje Hotel” , me vlerë rreth 6 milionë eurosh.
Përmes një postimi publik, Xhelili ka njoftuar se tashmë është bërë pronar i këtij hoteli, duke e cilësuar këtë arritje si realizim të një ëndrre dhe misioni të kahershëm.
Ai ka bërë të ditur se rrugëtimi drejt këtij suksesi ka qenë i vështirë dhe ka zgjatur plot 18 muaj, deri në përmbylljen e procedurave dhe marrjen e certifikatës së pronësisë.
Ndryshe, Selver Xhelili ishte kandidat i PDK-së për deputet në zgjedhjet e 28 dhjetorit 2025, ku kishte arritur të marrë vetëm 7090 vota, të cilat nuk i mjaftuan për të fituar mandatin e deputetit.
