Ish ministri i Mbrojtjes, Armend Mehaj, përmes një shkrimi në Facebook i ka dhënë përkrahje policisë së Kosovës për aksionin e suksesshëm të së dielës në veri, raporton Gazeta Online Veriuinfo.
Ai ka kritikuar ata që thonë se 600 euro pagë janë shumë për policët e Kosovës.
Kujtojmë që ka kohë që policisë i është larguar pagesa e rrezikshmërisë, kurse jeta e tyre të dielën u rrezikua në një aksion përballe terroristëve në veri.
“Këta djem nuk janë thesar i asnjë partie politike, por thesar shumë i cmuar i tërë Kosovës.” – shkruan Mehaj.
Postimi i plotë:
Kur ju duhem na doni shumë. Por kur nuk jeni në rrezik, thoni se edhe 600 euro janë shumë për pagë. Djemtë tanë sot na zbardhën fytyrën përpara krejt botës dhe treguan vlerën e vërtetë të tyre. Si kalorësit e Skënderbeut, këta e shpëtuan atdheun nga rreziku dhe treguan cilësi, sinqeritet dhe respekt jo vetëm për popullin në rrezik, por edhe ndaj armikut terrorist. Një armik që ka pas mbas vetes një aparat të tërë shtetëror nga një shtet fqinj me të gjitha furnizimet dhe logjistik. Këtë e dinë edhe aleatët tanë. Prandaj është kritike që Kosova të marrë PFP dhe të bëhet anëtare e NATO-s. Nëpër botë vlera e përvojës, gatishmërisë dhe vendosmërisë ë ketyre djemve tane ka në dispozicion miliarda euro. Me fjalë të tjera, edhe 10.000 euro rroge në muaj nuk e shpaguajnë rrolin e tyre tejet të rëndësishëm. Për më tepër, me nivelin e tyre profesional përgatitor që e kanë arritur kjo njësi policore – disiplinë, përkushtim në detyrë, atdhedashuri, trimëri etj.), mund ti japin leksion të gjitha njësive më të mira në Botë.
1. fondi i sigurisë ekziston edhe është për të gjitha institucionet e sigurisë
2. Dronat, tani po e shihni/bindeni vet, se sa kryejnë punë dronat dhe se na duhen.
3. shumë më shumë përkushtim për djem të tillë – sepse vlera e tyre është e paimagjinueshme. 4. koordinimi me forcat amerikane është shumë i rëndësishëm.
Këta djem nuk janë thesar i asnjë partie politike, por thesar shumë i cmuar i tërë Kosovës.
