Kryetari i Komunës së Obiliqit, Halil Thaçi, është kërcënuar sot nga një zyrtar i kësaj komune, për shkak të pakënaqësive në lidhje me vendin e punës.
Burime të Veriu.info nga stacioni policor në Obiliq bëjnë të ditur se kryetari Halil Thaçi e ka paraqitur rastin e kërcënimit rreth orës 17:00.
“Halil Thaçi pretendon se është kërcënuar me jetë nga zyrtari komunal H. Preniqi – ish shef i inspeksionit në komunë, të cilit i është ndërruar vendi i punë para rreth 6 muajsh. Me urdhër të prokurorit Paulin Pashku H. Preniqi mbetet e lirë dhe rasti do të trajtohet në procedurë të rregullt”, ka thënë burimi i Veriu.info nga Policia e Kosovës në Obiliq.
Siç mëson Veriu.info, një person i tretë (dëshmitar), i ka përcjellur rreth orës 15:00 Halil Thaçit porosinë këcënuese të zyrtarit komunal, H. Preniqi.
Veprimi i prokurorit për lirimin në procedurë të rregullt të të dyshuarit, është tepër i çuditshëm dhe me dilema profesionale, duke pas parasysh faktin se të dytë punojnë në të njëjtin institucion dhe veprimet kërcënuese lehtësisht mund të kthehen në vepra.
