Kryeministri Albin Kurti është krenuar me punën e tij dhe kabinetit të tij qeveritar si qeveri në detyrë.
Përmes një postimi në Facebook, Kurti ka treguar për vendimet që kanë marrë si qeveri në detyrë.
Gjithsej, Kurti dhe kabineti i tij kanë marrë 14 vendime sot, një ditë pasi që njoftoi për dorëheqjen e cila nuk u “miratua” nga opozita.
Emëruimi i Bordit të Drejtorëve të Ndërmarrjes Publike Kompania Rajonale Ujësjellësit Hidroregjioni Jugor Sh. A” Prizren; Aprovimi në parim për kërkesën për huamarrje në vlerë prej 10 milionë euro për Telekomin e Kosovës; Themelimi i grupeve koordinuese dhe intervenuese për Ariun e murrmë, Rrëqebullin Ballkanik si dhe Ujkun; Rialokimi i 147 mijë euro për dy projekte kapitale: “Parku i Aventurave” në Kamenicë; dhe “Ndërtimi i rrugës Dragancë e re dhe Dragancë e vjetër”, në Novobërdë; Bartja e të drejtën e shfrytëzimit të ngastrës te Agjencia për Menaxhimin e Monumenteve dhe Komplekseve Memoriale, me qëllim të ndërtimit të Monumentit të Dëshmorëve të rënë më 17 korrik 1998, te vendi “Rrasa e Zogut”, në Bjeshkët e Junikut.; Miratimi i Planit të Veprimit 2025-2026 për zbatimin e Strategjisë për Avancimin e të Drejtave të Komuniteteve Rom dhe Ashkali në Republikën e Kosovës, 2022-2026.
Gjithashtu u miratuan tre vendime përfundimtare për shpronësim për interesin publik për tri projekte:
– Varrezat e fshatit dhe fusha sportive në Dobërçan të Gjilanit;
– Çerdhja e fëmijëve, hapësira gjelbëruese dhe infrastruktura rrugore në Gjilan; dhe,
– Zgjerimi i rrugës nacionale N2 segmenti “Hyrja në Qytetin e Ferizajt”.
