Deputeti i LDK’së, Driton Selmanaj ka reaguat pas shkrimit të kryeministrit Albin Kurti në New York Times për NATO’n dhe rëndësinë e bombardimeve të NATO’s në çlirimin e Kosovës.
Selmanaj thotë se Kurti, vite më parë, kur ishte në opozitë, për të armiku më i madh ishte bashkësia ndërkombëtarë se sa Serbia.
“Edhe pse tani nga kolltuku i Kryeministrit ka filluar të ju vijë turp për qëndrimet e tij dhe tashmë ato komunikata i keni fshirë nga interneti, ato njolla nuk mund t’i fshini nga fytyra juaj”, shkroi Selmanaj:
Selmanaj më poshtë i ka listuar disa deklarata të VV, të vitit 2010 për NATO’n:
Albini në NYTIME, ka shkruar një artikull për NATO-n dhe rëndësinë e bombardimeve të NATO-s në çlirimin e Kosovës. Ai ka thënë se bombardimet i dhanë fund tmerrit dhe se për të intervenuar NATO duhej vullneti politik i fuqive të mëdha.
Mirëpo, a mund të besoni që personi që e ka shkruar këtë opinion, disa vite më parë kur ishte në opozitë dhe për të armik më i madh ishte bashkësia ndërkombëtare se sa Serbia, i njëjti Albin kishte thënë si më poshtë:
Albin Kurti 2010: “Noam Chomsky ka të drejtë kur thotë se në rast të paraqitjes së krizës humanitare, bota e jashtme ka tri mundësi: të veprojë për ta rënduar katastrofën; të mos veprojë fare; dhe të veprojë për ta zbutur katastrofën; Kosova i takon kategorisë së parë.”
Albin Kurti 2010: “Përderisa NATO zhvillon luftën e vet komode nga ajri, civilët shqiptarë janë lënë në mëshirën e forcave ushtarake dhe paramilitare serbe atje poshtë në terren”
Albin Kurti 2010: “Nuk ka pasur autorizim të OKB-së për bombardimet e NATO-s, edhe pse disa konsiderojnë se me aprovimin e Rezolutës 1244 realisht miratohen bombardimet e NATO-s”.
