Kryeministri i Kosovës, Albin Kurti, në një takim në Izmir të Turqisë më mërgatën shqiptarëve, u ka pretenduar këtyre të fundit për suksese në rafshin ekonomik gjatë qeverisjes së Lëvizjes Vetëvendosje, teksa i ka ftuar të investojnë në Kosovës, duke shtuar se tashmë në Kosovë ka rritje “dyfish të investimeve të huaja dhe eksporteve”.
“Ai i njoftoi ata me progresin, zhvillimet në vend dhe qeverisjen në këto më shumë se tre vjet, duke veçuar indikatorët ekonomikë që tregojnë rritjen për dyfish të investimeve të huaja dhe eksporteve, rritjen e të hyrave tatimore për 2/3, pa ndërruar politikën fiskale, dhe nivelin e punësimit, sidomos te të rinjtë”, thuhet në komunikatën e ZKM-së.
Komunikata e plotë:
Kryeministri i Republikës së Kosovës, Albin Kurti, takoi dhe bashkëbisedoi në Izmir pjesëtarë të mërgatës, studentë dhe përfaqësues të shoqatave të ndryshme shqiptare nga Izmiri, Bursa, Manisa e Stambolli.
Ai i njoftoi ata me progresin, zhvillimet në vend dhe qeverisjen në këto më shumë se tre vjet, duke veçuar indikatorët ekonomikë që tregojnë rritjen për dyfish të investimeve të huaja dhe eksporteve, rritjen e të hyrave tatimore për 2/3, pa ndërruar politikën fiskale, dhe nivelin e punësimit, sidomos te të rinjtë.
Kryeministri gjithashtu veçoi arsyet se pse Kosova ofron një mjedis të favorshëm për investime, përfshirë këtu çmimin e lirë të energjisë elektrike, fuqinë punëtore profesionale, besimin në institucionet publike, politikat fiskale dhe faktin që Kosova së fundmi ka marrë vlerësimin e saj të parë kreditor sovran nga Fitch Rating. Me këtë rast, ai u bëri thirrje që të vijnë në Kosovë, të hulumtojnë mundësitë që ofron vendi ynë dhe të investojnë, teksa shprehu mirënjohjen e tij për kontributin e vazhdueshëm e të rëndësishëm të mërgatës sonë në Turqi, sa në ruajtjen e raporteve të mira, aq edhe në krijimin e urave të bashkëpunimit ndërmjet Kosovës dhe Turqisë.
Në këtë tubim i pranishëm ishte edhe Kryetari i Bashkisë Metropolitane të Izmirit Dr. Cemil Tugay, me të cili kryeministri Kurti gjithashtu pati një takim gjatë qëndrimit në Izmir.I’m
