Kritikat e presidentes Osmani, kryeministrit në detyrë, Albin Kurti dhe zyrtarëve të tjerë të LVV-së ndaj Gjykatës Kushtetuese dhe gjyqtarëve të saj kanë nxitur regimin e LDK-së për të paralajmëruar bojkotimin e institucioneve, por edhe organizimin e protestave, nëse të larpërmedurit nuk i zbatojnë vendimet e Gjykatës për konstituimin e Kuvendit. Deputeti i LDK-së, Alban Zogaj, thotë se hedhja e dyshimeve mbi Gjykatën Kushtetuese dhe mbi institucionet e tjera dëmton shtetin.
‘’Ne vazhdojmë të qëndrojmë parpa këtij deklarimi të kryetarit tonë dhe qëndrimit partiak. Në coftë se ne fillojmë të hudhim dyshime, që të mos i respektojnë vendimet e Gjykatës Kushtetuese, ne po e vëmë në pikëpyejte rrjedhen institucionale të vendit. Do të shohim format e tjera të veprimit politik. Por krejtë kjo pas akgjykimit. Është e temrrshme kur politika ndikon direkt mbi Gjykatën Kushtetuese dhe i paragjykon vendimet e saj. Ne do ta respejmë vendimin e Gjykatës Kushtetuese’’, tha Zogaj për RTV21.
Deputeti i LVV-së, Nezir Kraki, i është përgjigjur kritikave të partive të ish-opozitës, të cilat e kanë akuzuar LVV-në se për trysni ndaj Gjykatës Kushtetuese. Deputeti Kraki, thotë se opozita është në një linjë me Listën Serbe.
‘’Unë kam mbetur shumë i habitur dhe i zhgenjym me qëndrimin e fundit të kryetarit të LDK-së i cili realisht kur flet për mbrojtjen e Kushtetutës dhe po len të nënkuptohet se Lista Serbe ka të drejtë në kërkesën e saj pranë Gjykatën Kushtetuese, sepse ky ka qenë pretendimi i LDK-së prej fillimit. Prej asaj dite kur nuk u zgjodh asnjëri nga Lista Serbe. Kur LDK është duke thënë se është për mbrojtjen e Kushtetutës në fakt ajo është duke thënë që Lista Serbe të dëgjohet dhe ti jepet ajo që i takom. Opozita është në të njëjtën vij me Listën Serbe. Duke u rreshtuar në këtë formë opozita, ajo po i thotë Gjykatës Kushtetuese që ta forcoj komunitetin serb në Kosovë. Opozita duke pretendu se i është bërë një e padrejtë Listes Serbe në Kuvend ajo është duke thënë saktësisht të njëjtën gjë sikur Lista Serbe dhe i bashkangjitët kërkesës së saj në Kushtetuese”, tha Kraki.
Deputeti i AAK-së, Bekë Berisha, konsideron se vendi është duke kaluar nëpër një përiudhë të vështirë për shkak të mos respektimit, siç thotë, të institucioneve nga LVV-ja dhe nga presidentja Osmani.
‘’Unë si deputet dhe si jurist, kjo është çmenduri e këtyre njerëzve se çka janë duke bërë. Këso forme të komunikimit, me u çu shtetit me i dal kundër Gjykatës dhe Prokurorisë as në Tanzani nuk ma merr menja që ka. Jemi duke kaluar një përiudhë të qoroditjes mbarë popullore e sidomos këtyre që kanë qenë deri tash në pushtet. Këjo është çmenuri. Nuk e di se çfarë iniciative është kjo që të dalin në protesë, ishalla dalin LDK-ja në protesta. Mirëpo si qytetarë, dhe si mentalitet qysh jemi të formësuar ne kjo qasje e përfaqësuesve të pushtet është e papranueshme. Edhe me deklarim, edhe me protestë edhe me gjithçka jemi kundër me i sulmu shtyllat e shtetit të Kosovës. Këto e plagosin funskionimin e shtetit”, deklaroi Berisha.
Ndërkohë, presidentja Osmani ka ripërseritur këtë të enjte se Kuvendi është konstituuar pavarëissht se nuk është zgjedhur një nënkryetar nga komuniteti serb. Ajo pret që Kuvendit të funskionalizohet për të vendosur më pas për të ardhmen e saj politike, por nuk ka bërë të ditur se a do të kandidojë edhe për një mandat si presidente.
“Për mua Kuvendi është konstituuar. Por pres që të fillojë punën e tij, pastaj tema kryesore ka me qenë posti i presidentit”, tha Osmani./21Media/RTV21
