Qendra Kombëtare për Menaxhim Kufitar ka bërë një përditësim të ri mëngjesin e së shtunës mbi gjendjen aktuale në pikëkalimet kufitare për hyrje-dalje nga Kosova.
Sipas përditësimit të ri, pritjet më të gjata për dalje nga Kosova janë aktualisht në Merdarë, ku shkojnë pritjet deri në 5 orë, me kolona 2500 metra.
Në pikëkalimet tjera, pritjet janë më të vogla. Në Muçibabë pritjet janë rreth dy orë, me kolona 1100 metra, kurse te Dheu i Bardhë kolonat shkojnë deri në 800 metra, me mbi 1 orë pritje.
