Rusia duhet të bjerë dakord për një armëpushim me Ukrainën kur Presidenti Vladimir Putin të takohet me Presidentin e SHBA-së Donald Trump në Alaska, kërkoi kancelari gjerman, Friedrich Merz përpara takimit historik.
Merz tha se takimi midis Trump dhe Putin ofroi një “mundësi” për paqe dhe i bëri thirrje Putinit të heqë dorë nga të gjitha parakushtet për një armëpushim dhe më pas të takohet me homologun e tij ukrainas, Volodymyr Zelensky, shkruan CNN, transmeton Klankosova.tv
“Qëllimi duhet të jetë një samit në të cilin merr pjesë edhe Presidenti Zelensky. Një armëpushim duhet të arrihet atje. Ukraina ka nevojë për garanci të forta sigurie. Çështjet territoriale mund të vendosen vetëm me pëlqimin e ukrainasve”, shkroi Merz në një deklaratë të lëshuar të premten.
“Presidenti Trump tani mund të bëjë një hap të rëndësishëm drejt paqes. Ai meriton falënderime për këtë iniciativë dhe koordinimin e ngushtë të ditëve të fundit”, deklaroi Merz. / Klankosova.tv
