Shenoll Muharremi ka kritikuar Qeverinë për mënyrën e planifikimit të 102 milionë eurove, duke argumentuar se këto mjete do të duhej të përdoreshin për mbrojtjen dhe procesin e Apelit në Gjykatën Speciale, si dhe për diplomaci dhe lobim ndërkombëtar
Ai e ka cilësuar pagën e 13-të për një pjesë të punëtorëve si përdorim të gabuar të fondeve publike dhe ka pretenduar se masa mund të ketë ndikim në konsum, importe dhe inflacion.
Postimi i plotë:
Shumë ma e udhës kishte me qenë që sot Qeveria t’i ndante 102 milionë euro për mbrojtjen dhe procesin e Apelit në Gjykatën Speciale përfshi kontratat serioze të lobimit ndërkombëtar, sesa me i përdorë për pagën e 13-të të vetëm një pjese të vogël të punëtorëve, që me jau ble e vjedhë votën.
Me 102 milionë euro për Apelin dhe diplomacinë do të luftohej për me e zbardhë fytyrën e Kosovës dhe të luftës çlirimtare. Do të mbrohej Kosova dhe historia jonë e drejt.
Me 102 milionë për paga shtesë, një pjesë e madhe e parave do të përfundojë në konsum e importe, duke ushqyer edhe më shumë presionet inflacioniste dhe deficitin tregtar. Do të përfitoj vetëm LVV!
Dallimi është një shtet vs një parti. Në njërën anë, një betejë historike për Kosovën. Në tjetrën, një pagë e 13-të për një grup të privilegjuar që jau blenë votën për zgjedhjet eventuale.
Prioritetet tregojnë gjithçka. Turp!
