Efekti i Tetorit Rozë solli rezultate të dukshme: 800 mamografi u realizuan këtë muaj, krahas shtatorit që ishin 170 sosh, në kujdesin parësor të Prishtinës.
Për më tepër, nga ky ekzaminim u identifikuan edhe disa raste të dyshimta me kancer të gjirit.
Mamografinë mund ta bëjë çdo grua mbi moshën 40 deri në 69 vjeç, ndërsa nën moshën 40, rekomandohet ultrazëri i gjirit.
Megjithëkëtë, nuk mjafton që vetëm në një muaj të vitit vajzat dhe gratë të kujdesen më shumë për gjirin. Që kjo tempo të vazhdojë sado pak, Drejtoria e Shëndetësisë në Kryeqytet nuk do të ndalet me aktivitete dhe kampanjat vetëdijesuese.
Gjatë gjithë vitit në tri Qendrat e Mjekësisë Familjare, mamografia është falas.
