Teksa vëmendja publike ishte përqendruar te ajo që në rrjet është cilësuar si një “love story” mes SHISH-it dhe krimit, si edhe te personazhet që shfaqen në videot e Gys Agasit, mbrëmjen e djeshme u publikuan disa video intime, të cilat u fshinë disa orë më vonë.
Në qendër të këtyre publikimeve pretendohet se ishte kompozitori Adrian Hila. Sipas materialeve dhe pretendimeve që qarkulluan online, studioja e tij muzikore ishte përdorur edhe për regjistrime me përmbajtje intime, ku pretendohet se kanë marrë pjesë një numër artistesh shqiptare.
Për shkak të natyrës së materialeve dhe pretendimeve të ngritura rreth tyre, në rrjet Hila është cilësuar nga disa komentues edhe si “Epsteini shqiptar”.
Pretendimet për filmime pa dijeni
Fillimisht ishte gazetari i kronikës rozë, Elton Tozaj, ai që sinjalizoi publikimin e videove. Sipas pretendimeve të tij, Hila dyshohet se ka regjistruar disa prej partnereve të tij në momente intime përmes kamerave të fshehta, pa dijeninë apo pëlqimin e personave që shfaqen në materiale.
Tozaj ka vijuar publikimet dhe denoncimet e tij, pavarësisht rasteve kur, sipas kritikëve, ekspozimi i jetës private të personave të njohur ka kaluar kufijtë e privatësisë.
Cilët emra përmenden në materialet e publikuara?
Në disa prej materialeve të publikuara online janë përmendur emra të njohur të skenës shqiptare. Ndër personat e identifikuar në raportimet që qarkulluan është këngëtarja Eli Fara, e cila pretendohet se shfaqet duke kënduar në studion e Adrian Hilës.
Në të njëjtin kontekst është përmendur edhe aktorja dhe producentja Monika Lubonja. Një prej faqeve të njohura të humorit dhe ironisë, Lolita, ka komentuar një prej videove me shprehjen: “Njëra nga ato nuk pushonte së foluri. Vetëm reforma territoriale i mbeti pa diskutuar”.
Në materialet online është përmendur edhe lidhja e dikurshme e Eli Farës me politikanin Fatmir Mediu, në një kohë kur ky i fundit vijonte takimet në SHBA dhe publikonte fotografi me senatorë amerikanë.
Pretendimet për marrëdhënie seksuale në grup
Pjesa më e diskutuar e materialeve lidhet me pretendimet se në studion e Hilës janë zhvilluar edhe marrëdhënie seksuale në grup.
Sipas përshkrimeve që shoqëruan videot, në disa prej tyre pretendohet se një artiste kryen marrëdhënie seksuale me dy ose më shumë burra. Nga këqyrja dhe interpretimi i materialeve të publikuara online, është pretenduar gjithashtu se të paktën 17 artiste kanë frekuentuar studion.
Në disa publikime janë dhënë vetëm inicialet e personave që pretendohet se shfaqen në materiale: Z. Ç., M. K., R. R., F. R., E. B., B. N., G. L., A. T., O. R., R. S., K. H., K. D., A. Sh., D. Zh. dhe Y. N.
Dyshimet për hiperseksualitet
Në disa prej komenteve që pasuan publikimin e videove është ngritur edhe hipoteza se intensiteti dhe numri i partnerëve mund të lidhen me një çrregullim të sjelljes të përshkruar si hiperseksualitet.
Hiperseksualiteti përdoret për të përshkruar sjellje ose impulse seksuale të pakontrolluara apo të vështira për t’u menaxhuar, por vetëm numri i partnerëve apo frekuenca e marrëdhënieve seksuale nuk mjafton për të vendosur një diagnozë. Një vlerësim i tillë mund të bëhet vetëm nga profesionistë të shëndetit mendor mbi bazën e kritereve përkatëse.
