Se pushteti ndryshon njerëzit, është një fakt i njohur, dhe shembulli më i dukshëm i kësaj është Albin Kurti. Kur ai ishte opozitar, Kurti e kritikonte ashpër flamurin e Kosovës, duke e quajtur atë “lara-lara” dhe madje zhvillonte protesta për ta kundërshtuar këtë simbol të rëndësishëm për shtetin.
Më 28 nëntor 2015, Albin Kurti, duke qenë krenar për flamurin kombëtar, u tall me flamurin kombëtar.
Ai shprehej “Me atë flamurin lara-lara që e kanë nxjerrur nga ‘strajca’ këta tregtarë flamujsh…”
Deklaratat e tij gjenin mbështetje nga simpatizantët e tij, të cilët e ndihmonin në këtë qëndrim.
Por ky qëndrim i tij ndryshoi papritur kur ai u bë kryeministër.
Pak para se Kurti të fitonte zgjedhjet e parakohshme parlamentare, pra gjatë fushatës zgjedhore, ai foli shumë më butë për flamurin dhe himnin se në 2015-ën.
“I respektoj simbolet e Kosovës në institucione. Nesër ose pasnesër si kryeministër do të respektojë himnin dhe flamurin e Kosovës”
Tashmë, si udhëheqës i shtetit, ai edhe po përkulet para flamurit që dikur e quan “lara-lara”.
Në një akt simbolik, më 17 shkurt 2022, Kurti u pa duke u përkulur para flamurit të Kosovës.
